लमजुङ केन्द्रबिन्दु भएर फेरि गयो भूकम्प

पहिलाे पटक ५ बजेर ४२ मिनेटमा ५.८ रेक्टर स्केल र दोस्रो पटक ८ बजेर २६ मिनेट जाँदा ५.३ रेक्टर स्केलको भूकम्प गएको हाे ।

पाेखरा : लमजुङ केन्द्रबिन्दु भएर फेरि गयो भूकम्प बुधबार बिहान फेरि भूकम्प गएको छ । लमजुङको भुलभुले आसपास नै केन्द्रबिन्दु बनाएर ८ बजेर २६ मिनेट जाँदा ५.३ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ । 

यस अघि बिहान ५ बजेर ४२ मिनेट जाँदा लमजुङको भुलभुले आसपास केन्द्रबिन्दु बनाएर ५.८ रेक्टर स्केलको भूकम्प गएको राष्ट्रिय भूकम्प मापन केन्द्रले बताएका छ । लमजुङमा बुधबार बिहान गएको भूकम्पमा केही घर भत्किनुका साथै केही स्थानीय घाइते भएका छन् ।

भूकम्पको केन्द्रविन्दु मर्स्याङ्दी गाउँपालिकाका घरहरूमा बढी क्षति पुगेको बताइएकाे छ । गाउँपालिका अध्यक्ष अर्जुन गुरुङले भूकम्पपछि मानिसहरूबीच भागाभाग भएको बताएका छन् । केही घरमा क्षति पुगेको र केही स्थानीय घाइते भएको पनि उनले बताएका छन्का । तर यकिन विवरण आउन अझै बाँकी छ रहेकाे छ ।

भूकम्पले लमजुङमा भत्केकाे घर ।

^{तस्बिर सौजन्य : कृष्ण आले}