द आर्ट अफ लिभिङ नेपालले पोखराको लेखनाथमा रहेको सङ्क्रामक तथा सरुवा रोग अस्पताललाई दश लिटरको पाँच वटा अक्सिजन कन्सन्ट्रेटर मेसिन, अक्सिजन सिलिन्डर सहित स्वास्थ्य सामाग्री सहयोग गरेको छ । कोरोना सङ्क्रमितको उपचार तथा जीवन रक्षाकालागि अक्सिजन आफै उत्पादन गर्ने कन्सन्ट्रेटर मेसिन सहित स्वास्थ्य सामाग्री सहयोग गरेकाे आर्ट अफ लिभिङ गण्डकी प्रदेशका प्रमुख नरेश भट्टराईले बताए ।
पोखरा महानगरपालिकाका मेयर मानबहादुर जिसी, आर्ट अफ लिभिङ गण्डकी प्रदेशका प्रमुख नरेश भट्टराईले सङ्क्रामक तथा सरुवा रोग अस्पतालका कार्यकारी निर्देशक डा विकास गौचनलाई स्वास्थ्य सामग्री हस्तान्तरण गरे। आर्ट अफ लिभिङले १३ लाखको रुपैयाँ बराबरको स्वास्थ्य सामाग्री हस्तान्तरण गरेकाे हाे । स्वास्थ्य सामाग्री हस्तान्तरण कार्यक्रममा आर्ट अफ लिभिङ कास्की संयोजक विश्वमोहन अधिकारी, नेपाल हेल्थ कोप्सका निर्देशक डा प्रदिश पौडेल लगायतको उपस्थिति रहेको थियो ।
कार्यक्रममा पोखरा महानगरपालिकाका मेयर मानबहादुर जिसीले सबैको सहयोग र सहकार्यमा कोरोनालाई परास्त गर्न सक्ने भन्दै आर्ट अफ लिभिङलाई धन्यवाद दिएको थिए । सङ्क्रामक तथा सरुवा रोग अस्पतालका कार्यकारी निर्देशक डा विकास गौचनले कोरोना संक्रमितकालागि अक्सिजन कन्सन्ट्रेटर, अक्सिजन सिलिन्डर जीवन रक्षा गर्न निकै आवश्यक र महत्वपूर्ण स्वास्थ्य सामाग्री भएको बताए । यस अघि पाेखरा पर्यटन परिषदबाट प्राप्त भएका अक्सिजन कन्सन्ट्रेटर मेसिन निकै उपयाेगी भएकाे बताउँदै यसबाट उपचारमा थप सहयाेग मिल्ने उनले बताए ।
द अर्ट अफ लिभिङ नेपाल गण्डकी प्रदेशका प्रमुख नरेश भट्टराई र कास्की संयोजक विश्वमोहन अधिकारीले आर्ट अफ लिभिङका देशै भरका स्वंसेवीहरुको आर्थिक सहयोगमा यो सम्भव भएको बताउँदै कोरोना सङ्क्रमण सँग लड्न द आर्ट अफ लिभिङ नेपालले आवश्यकता अनुसार थप स्वास्थ्य सामाग्री सहयाेग गर्ने पनि बताए ।
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
स्वर्गीय डा चन्द्र प्रसाद गुरुङको संरक्षण दृष्टिकोण र अन्नपूर्ण संरक्षण क्षेत्रसँग जोडिएको इतिहास समेटिएको पुस्तक ‘Caring for the Annapurna’… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त…