जेष्ठ नागरिकलाई पाँच महिनापछि ‘कोभिशिल्ड’ एस्ट्रोजेनिका खोपको दोस्रो मात्रा देशभर दिइदै छ । काठमाण्डौमा जेष्ठ नागरिकलाई दोस्रो खोप दिइएपछि आइतबार देखि गण्डकी प्रदेशमा पनि दोस्रो खोप दिइदै छ । ‘कोभिशिल्ड’ एस्ट्रोजेनिका खोप लगाउँदा दुई मात्रा बीचको अन्तरमा दुईदेखि तीन महिना हुन्छ भनिएकोमा अहिले पाँच महिनापछि दोस्रो मात्रा दिन लागिएकाे हाे ।
स्वास्थ्य तथा जनसङ्ख्या मान्त्रालयले धेरै समयको अन्तरमा कोरोना भाइरसविरुद्धको खोप लगाउँदा पनि प्रभावकारी हुने जनाएको छ । मन्त्रालयले ‘कोभिशिल्ड’ खोपको पहिलो मात्रा लगाएको लामो समयको अन्तरमा अहिले जेष्ठ नागरिकलाई दोस्रो मात्रा लगाउन थालिएकोले उक्त खोपले काम गर्ने स्पष्ट पारेको हो ।
मन्त्रालयका सहप्रवक्ता डा समिरकुमार अधिकारीले ‘कोभिशिल्ड’को पहिलो मात्रा लगाएको करिब पाँच महिनापछि दोस्रो मात्रा लगाए पनि खोपले काम गर्ने बताएका हाे। गत फागुन २३ देखि चैत १० गतेसम्म ६५ वर्ष माथिका उमेर समूहका करिब साढे १४ लाख व्यक्तिलाई सो खोपको पहिलो मात्रा लगाएकोमा अहिले करिब पाँच महिनापछि एस्ट्राजेनिका खोपको दोस्रो मात्रा दिइएको हो ।
‘कोभिशिल्ड’ एस्ट्रोजेनिका खोप लगाउँदा दुई मात्रा बीचको अन्तराल दुई देखि तीन महिना हुन्छ भनिएकोमा अहिले पाँच महिनापछि दोस्रो मात्रा दिएको हो । दोस्रो मात्राकाे अन्तराल पाँच महिनाको भए पनि खोपले प्रभावकारी रुपमा काम गर्ने भएकोले स्वास्थ्य मन्त्रालयले ढुक्क भएर एस्ट्राजेनिका खोपको दोस्रो मात्रा लगाउन अनुरोध गरेका छ ।
भूटानबाट दुई लाख ३० हजार र जापानबाट पाँच लाख १३ हजार मात्रा एस्ट्राजेनिका खोप आइसकेपछि मन्त्रालयले कोभिशिल्डको सट्टामा एस्ट्राजेनिका खोप लगाउने व्यवस्था मिलाएको हो । कोभिशिल्ड र एस्ट्राजेनिका खोप एउटै कम्पनी र एउटै फर्मुलामा बनेकोले लगाउन केही फरक नपर्ने भएकाले कोभिशिल्डको पहिलो मात्रा लगाएका जेष्ठ नागरिकलाई दोस्रो मात्राकाे रुपमा एस्ट्राजेनिका लगाइएको स्वास्थ्य मन्त्रालयले जानाएकाे छ ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…