पोखरा ः कोरोना सङ्क्रमणका कारण करिब दुई वर्ष देखि थला परेको पर्यटन उद्योगलाई उठाउन प्रदेश प्रदेश बिच सहकार्य हुनु पर्नेमा जोड दिइएको छ । गण्डकी प्रदेश र प्रदेश—२ बिच आन्तरिक पर्यटन प्रवर्द्धनका लागि बिहीबार पोखरामा भएको अन्तरक्रिया कार्यक्रममा दुवै प्रदेशका मुख्यमन्त्रीहरुले पर्यटन विकासकालागि सहकार्य गरेर अघि बढ्ने प्रतिबद्धता जनाए ।
प्रदेश २ का मुख्यमन्त्री लालबाबु राउतले कोरोना सङ्क्रमणले थला परेको पर्यटन उद्योगलाई प्रदेश प्रदेश बिच सहकार्य गरेर आन्तरिक पर्यटन प्रवर्द्धन गरी उठाउनु पर्नेमा जोड दिए । पर्यटन विकासकालागि सङ्घीय सरकारले सबै प्रदेशलाई समान रूपमा साथ साथ लिएर अघि बढ्नु पर्नेमा प्रदेश नं २ लाई हेर्ने दृष्टिकोण नै सकारात्मक नभएको आफूले पाएको मुख्यमन्त्री रावतले बताए । युरोप, अमेरिका लगायतका देशका नागरिकको भन्दा पछिल्लो समयमा भारतीयहरूको धेरै खर्च गर्ने क्षमता बढेको बताउँदै भारतीय पर्यटक आकर्षण गर्ने गरी व्यवहार गर्न मुख्यमन्त्री रावतले बताए ।
गण्डकी प्रदेशका मुख्यमन्त्री कृष्णचन्द्र नेपाली पोखरेलले सरकार निजी क्षेत्रसँग मिलेर पर्यटन विकासमा अघि बढ्ने प्रतिबद्धता जनाए । प्रदेश सरकारले क्षमता अनुसार सहयोग गर्ने पनि उनले सुनाए । दुई प्रदेश बिच धार्मिक, संस्कृति, प्राकृतिक सौन्दर्यताकलाई आधार बनाएर पर्यटन विकासमा सहकार्य गर्दै अघि बढ्नु पर्नेमा उनले जोड दिए ।
कार्यक्रममा नाट्टा केन्द्रीय अध्यक्ष अच्युत गुरागाईँले सरकार करिब दुई वर्ष देखि थलो परेको पर्यटन उद्योग बचाउन सहयोग गर्नु पर्नेमा उल्टो दुःख दिने काम गरेको सुनाए । सङ्कटमा परेको समयमा पनि सरकारले नवीकरण, ट्याक्स लगायतमा जरिवाना र महँगो शुल्क लिँदै आएको बताए । कोरोना विरुद्ध दुई डोज खोप लगाएका पर्यटकलाई पनि अध्यागमनमा रोक्ने, भारतका नाकाहरूमा दुःख दिने काम भएको भन्दै पर्यटकलाई सभ्य भएर व्यवहार गर्न र अनावश्यक शुल्क लिएर दुःख नदिन उनले अनुरोध गरे ।
वीरगन्ज महानगरपालिकाका मेयर विजयकुमार सरावगीले पर्यटन विकासकालागि वीरगन्ज र पोखरा महानगरपालिका समग्र प्रदेश प्रदेश बिच सहकार्य हुनु पर्नेमा जोड दिए ।पोखरा पर्यटन परिषद्का अध्यक्ष गोपीबहादुर भट्टराईले पर्यटन विकासकालागि स्थल मार्गको स्तर उन्नति गर्नु पर्नेमा जोड दिए । हवाई यात्रा महँगो भएकोले र धेरै सङ्ख्यामा पर्यटक आउने वातावरण बनाउन सडक सञ्जाल सुविधा जनक हुनु पर्ने पनि उनले बताए ।
जनकुपुर देखि मुक्तिनाथ धार्मिक पर्यटकटीय सर्किट
नेपाल एसोसिएसन अफ टुर एन्ड ट्राभल एजेण्ट्स (नाट्टा) गण्डकी प्रदेश र नाट्टा प्रदेश—२ बिच दुई प्रदेशको पर्यटन विकासकालागि पाँच बूँदे अन्तर प्रदेश समझदारी गरेका छन् । गण्डकी प्रदेशका मुख्यमन्त्री कृष्णचन्द्र नेपाली पोखरेल र प्रदेश नम्बर २ का मुख्यमन्त्री लालबाबु राउतको रोहवरमा दुई प्रदेशका नाट्टाका अध्यक्षले पर्यटन विकासकालागि दुई प्रदेश बिच सहकार्य गरेर अघि बढ्ने समझदारी गरेका हुन् । समझदारीमा अन्तर प्रदेश बिच पर्यटकीय गन्तव्यको पहिचान, समृद्ध र प्रचारप्रसार बढाउने । दुवै प्रदेशका बीत सिधा हवाई सेवाको निरन्तरता साथै प्रदेश नं २ को जनकपुर देखि पोखरा सम्म थप हवाई सेवा बिस्तारमा जोड दिने ।
धार्मिक संस्कृति, पुरातात्विक संस्कृतिहरुको आदानप्रदानका साथै साहासिक खेल पर्यटनका सम्भावनाहरु बढाउने रहेको छ ।
यसै गरी जनकुपुरको जानकी मन्दिर देखि त्रिवेणीधाम हुँदै मुक्तिनाथ सम्मको धार्मिक पर्यटकीय सर्किटको प्रवर्द्धन जोड दिइएको छ । यसै गरी दुवै प्रदेशका सहकार्य क्षेत्रहरू पहिचान गरी कार्यान्वयनमा ल्याउने पनि समझदारी भएको छ । समझदारी पत्रमा नाट्टा गण्डकीका अध्यक्ष सञ्जयकान्त सिग्देल र नाट्टा प्रदेश २ का अध्यक्ष मोहन प्रसाद शर्माले हस्ताक्षर गरेका छन् ।
सोलुको हिमाली क्षेत्रमा दुइवटा हिमताल विस्फोटको कारण अत्यधिक तापक्रम वृद्धि भएको हिमताल विफोटपछि अवलोकनमा पुगेका राष्ट्रिय विपद न्यूनीकरण तथा… 
अचेल हामी मानिसहरू हरेक पल अलिअलि गर्दै पृथ्वीको जलवायु परिवर्तन गर्दैछौं। गर्मी याममा तापक्रम बढ्दै जानु, पहिलेभन्दा धेरै पानीमिश्रित आँधी… 
यस वर्ष विपदबाट छाेटाे समयमा ठूलाे धनजनको क्षति भएको छ । मनसुन भित्रिए यता बाढी, पहिरोलगायत विपदबाट एक सय… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
पंक्षी जन्तु जगतमा पर्ने, प्वाँख, चुच्चो र पखेटा भएका प्राणीको समुह हो । मानव जातिसँग निकटतम सम्बन्ध भएका यी… 
पोखरा : अन्नपूर्ण संरक्षण क्षेत्रबाट अवैधरुपमा निगालोका टुसा संकलन गरी चोरी निकासी गर्ने सवारी साधनलाई प्रहरीले नियन्त्रणमा लिएको छ… 
सहरीकरण संगै चराका प्राकृतिक बासस्थान र चरा मैत्री पुराना घरहरू हराउँदै गएपछि चराको बासस्थान पुन: स्थापना गर्न कास्की र… 
मकवानपुर गाउँपालिका ६ प्रतापपुरका किसान बलबहादुर राईको गोठमा बाँधेको भैँसीले बिहीबार बिहान बाघ मारेको घटनाको समाचार आएपछि बाँधेको भैसीले…