कोभिड १९ : बेलायतको यात्रा प्रतिबन्धात्मक सूचीबाट हट्यो नेपाल

बेलायत सरकारले कोरोना महामारीका कारण विश्का धेरै देशलाई रातोसूचीमा राखेकोमा नेपाललाई हटाएको छ । अन्तर्राष्ट्रिय भ्रमणसम्बन्धी नियमित रुपमा हेरफेर गर्ने तालिका अनुसार बेलायत सरकराले नेपाल सहित ४७ देशलाई रानोसूचीबाट हटाएको हो ।

रातोसूचीबाट हटाए संग सोमबार (असोज २५) गते देखि लागू हुने भ्रमणसम्बन्धी गतिविधि अन्तर्गत प्रकाशित सूचनामा उल्लेख गरिएको छ । अझै ७ देशलाई भने बेलायत सरकारले रातोसूचीमै राखेको छ ।बेलायत सरकारले विश्वका ३७ देशलाई ती देशमा लगाइएका कोभिड खोपलाई समेत मान्यता दिएको जनाएको छ । ती देशबाट बेलायत प्रवेश गर्नेहरु क्वारेन्टिनमा बस्नु पर्ने छैन ।

कोरोना परीक्षण भने डे टु प्याकेज प्रयोग गर्न सक्ने जनाइएको छ । बेलायत सरकार बेलायत भ्रमणमा आउनेले अक्सफोर्ड, एस्ट्राजेनिका, फाइजर, मोडेर्ना र जोन्सेन गरी चार प्रकारका खोपमध्ये जुनसुकै लगाएको भए पनि मान्य हुने जनाएको छ । खोप लगाएको प्रमाण भने पेश गर्नु पर्ने छ ।