उज्यालो पर्व तिहारमा झिलीमिली पोखरा

चरा, वन्यजन्तुलाई संरक्षण गर्न सन्देश दिने नेपालीको दोस्रो ठूलो पर्व तिहार प्रत्येक वर्ष कात्तिक कृष्ण त्रयोदशीदेखि सुरु हुन्छ । तिहारमा दिदी – भाई, दाजु–बहिनी बिच एक अर्काको जीवन स्वस्थ्य र दिर्घायुको कामना गरि मनाउने पर्व हो ।  

तिहार पर्व झिलीमिलीको चाड पनि हो । तिहारका अवसरमा एक हप्ता अघिदेखि नै पर्यटकीय राजधानी पोखराका बजारमा थरीथरीका बत्ती बाल्न सुरु हुन्छ । साँझ परेलगत्तै बालिने थरीथरीका बत्तीको उज्यालोले पोखराको सुन्दरता थप सुन्दरता देखिन्छ । 

पोखराको न्यूरोड, पृथ्वीचोक, महेन्द्रपुल, लेकसाईड तिहारमा अझै बढी झिलीमिली र सुन्दर देखिन्छ । फेवातालका किनारमा तिहारमा बालिएका थरीथरीका बत्तीको रातिको छाँया फेवातालमा देखिदा अझै सुन्दर देखिन्छ । 

पोखरामा सेता अग्ला अन्नपूर्ण, माछापुच्छ्रे हिमाल खुल्दाको सुन्दरता झनै बेग्लै देखिन्छ । शुक्रबार बिहानै देखि हिमाल खुलेर थप सुन्दरता थपिएको थियो । तिहारे फूल र खुलेको हिमालको सुन्दरताको झनै बणनै गर्न नसकिने सुन्दरता देखिन्छ ।