कोरोना लागेर तीन वटा हिउँ चितुवाको मृत्यु : संरक्षणमा चुनौती

कोरोना लागेर अमेरिकामा हिउँ चितुवाको मृत्यु भएको खवर छ । अमेरिकाको नेब्रास्काको चिडियाखानामा रहेका तीन वटा हिउँ चितुवाको मृत्यु भएको द वासिङटन पोष्टले जाएको छ ।

द लिंकन चिल्ड्रेन जूमा रहेका एभरेस्ट, मकालु र रान्न्नी नाम गरेका हिउँ चितुवाको मृत्यु भएको हो । यहाँका चितुवालाई एक महिनाअघि कोराना संक्रमण देखिएको बताइएको छ । गत शनिबार तीनै वटा हिउँ चितुवाको मृत्यु भएको चिडियाखानाले जानकारी दिएको समाचारमा जनाइएको छ । हिउँ चितुवाको मृत्युले चिन्ता छाएको छ ।

चिडियाखानामा रहेका दुई बाघलाई पनि कोरोना देखिएको र बाघलाई सन्चो भइसकेको बताइएको छ । लिंकन चिडियाखानाका केही जनावरमा कोरोनाको लक्षण देखिएपछि परीक्ष गरिएको हो । त्यसमध्ये अधिकांशलाई कोरोना देखिएको समाचारमा जनाइएको छ । कर्नेल फेलिन हेल्थ सेन्टरका अनुसार मान्छेबाट जनावरमा कोरोना सरेपछि तिनले अरु जनावरमा सार्ने सम्भावना हुने बताएको छ । तर जनावरले मान्छेमा सारेको भने अहिले सम्म पुष्टि नभएको केन्द्रले जनाएको बताइएको छ । काेराेना लागेर हिउँ चितुवाकाे मृत्युले वन्यजन्तु संरक्षणमा चुनौती थपिएकाे छ ।

तस्बिर : द वासिङटन पोष्ट