माटो जोगाऔं अभियानमा युवा विद्यार्थी : प्रधानमन्त्रीलाई पत्र


     नेचर न्युज    
     असार २७ गते २०७९ मा प्रकाशित


माटो जोगाऔं अभियानमा युवा विद्यार्थी लागेका छन् । पोखराका विद्यार्थीले माटो जोगाउन अभियान सुरु गरेका हुन् । युवा विद्यार्थीले माटो जोगाउन सरकारी नीति निर्माण गर्न भन्दै प्रधानमन्त्री शेरबहादुरलाई पत्र पनि लेखेका छन् । करिब ३० विद्यालय तथा विश्वविद्यालयका विद्यार्थीहरुले विश्वव्यापी माटो जोगाऔं ९कबखभ कयष्०ि अभियान अन्तर्गत माटो जोगाऔं सचेतना कार्यक्रम सहित लेखिएको पत्र संकलन गरिएको छ ।

विद्यालय बाहेक बिभिन्न माटो जोगाऔं सचेतना कार्यक्रमहरु पनि आयोजना भैरहेका छन् । विश्व वातावरण दिवसको अवसरमा पोखरा परिक्रमा गरि साइकल र्याली गरिएको थियो । कार्यक्रमलाई साइक्लिंग क्लब अफ पोखराका सदस्यहरुले सहभागी भई यस अभियानलाइ समर्थन गरेका थिए । असार १७ गते वन क्याम्पसले सभागृह चोक देखि चिप्लेढुंगा सम्म सचेतना पैदलयात्रा सम्पन्न गरेको थियो ।

अभियानमा सहभागी विद्यार्थी ।

पोखरा सहित काठमाडौँ, चितवन, वीरगंज, हेटौडा, इटहरी, धरान, कैलाली, फिदिम तथा अरु स्थानहरुमा पनि माटो जोगाऔं सचेतना कार्यक्रमहरु तथा अनुरोध पत्रहरु संकलन हुँदैछन । माटो जोगाऔं स्वयंसेवकहरुका अनुसार यो अभियानद्वारा अधिकतम पत्रहरु संकलन गरि प्रधानमन्त्रीलाई बुझाइने छ ।

किसान नवीन पुन मगरले माटो जोगाऔँ अभियानलाई नेपालभर लैजान ३५०० किलोमिटर दौडिदैछन् । उनको योजना ६० देखि ७० दिन भित्र पूर्व मेची देखी पश्चिम महाकाली सम्म जनचेतनामूलक तथा सामुदायिक चेतनामूलक कार्यक्रम गर्नु हो । जेठ ३० गतदेखि पुनले काठमाडौँबाट यात्रा सुरु गरिसकेका छन् । १५०० किलोमीटर भन्दा बढिको दौड पुरा गर्दै श्रावण ६ गते पोखरा आइपुगी प्रमुख माटो जोगाऔं सचेतना कार्यक्रम आयोजना हुने माटो जोगाउँ अभियानका स्वयंसेवक राम गुरुङले बताए ।

अभियानमा सहभागी विद्यार्थी ।