नेपालमा बाघको सङ्ख्या बढेको छ । बाघको सङ्ख्या बढेर ३५५ पुगेको छ । नेपालमा बाघको सङ्ख्या बडेसँगै संरक्षण क्षेत्रमा पु¥याएको योगदानको कदर गर्दै नेपाल अन्तर्राष्ट्रिय पुरस्कारबाट सम्मानित पनि हुँदै छ ।
विश्व बाघ दिवसको अवसरमा शुक्रबार काठमाण्डौंमा आयोजित कार्यक्रममा प्रधानमन्त्री शेरबहादुर देउवाले राष्ट्रिय बाघ गणनाको नतिजा सार्वजनिक गरेका हुन् । जस अनुसार पछिल्लो ४ वर्षमा बाघको सङ्ख्या १२० थपिएको हो । सन् २०१८ मा नेपालमा २३५ बाघ थिए । अहिले बढेर ३५५ सङ्ख्या पुगेको हो । गणना अनुसार सबैभन्दा धेरै बाघको सङ्ख्या चितवन राष्ट्रिय निकुञ्जमा १२८ बटा बाघ रहेका छन् । बर्दिया राष्ट्रिय निकुञ्जमा १२५ वटा रहेका छन् । यसै गरी पर्सामा ४१, शुक्लाफाँटा ३६ र बाँकेमा २५ वटा बाघ रहेका छन् ।
राष्ट्रिय निकुञ्ज तथा वन्यजन्तु संरक्षण विभागले मंसिर १९ देखि फागुन २८ सम्म बाघ गणना गरेको थियो । बाघ गणनाका लागि अत्याधुनिक प्रविधि भएको क्यामरा ट्यापिङ विधि प्रयोग गरिएको थियो । १५० वटा क्यामेराका साथै २०० जनशक्ति र आवश्यकताअनुसार हात्ती पनि प्रयोग गरिएको थियो ।बाघ बढेर दोब्बर हुँदा निकुञ्ज वरपरका मान्छेको जीवनमा भने जोखिममा पर्दै गएको छ । बेला बेलामा बाघको आक्रमणबाट स्थानीयको मृत्यु हुने गरेको छ । जङ्गलमा घाँस दाउरा गर्न, निहुरो टिप्न जाँदा, बाघको आक्रमणबाट स्थानीयको ज्यान जाने गरेको छ । बाघ संरक्षणको साथै मानिसको जीवन पनि सुरक्षित हुने वातावरण मिलाउनु पर्ने नागरिक समाज र संरक्षणकर्मीले बताउँदै आएका छन् ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …