पोखरा : युएसआइडी जल जङ्गल परियोजना अन्तर्गत (३२,९३१,३६७ अमेरिकी डलर ) करिब सवा ४ अरब लगानीमा वन तथा जलस्रोत संरक्षणका क्षेत्रमा काम गर्ने गरी परियोजना सुरु भएको छ ।
गत वर्षको नोभेम्बर देखि सुरु भएको परियोजना सन् २०२५ को नोभेम्बर सम्म सञ्चालन हुने छ । यसको साथै थप दुई वर्ष ४ नोभेम्बर २०२५ देखि ३ नोभेम्बर २०२७ को अवधि रहने बताइएको छ । पारिस्थितिक प्रणालीको अवस्थामा सुधार वातावरणीय अपराध रोकथाम नियन्त्रणमा परियोजनाले प्राथमिकता दिने बताइएको छ ।
जलवायु परिवर्तन अनुकूलन तथा प्राकृतिक विपद्हरूका लागि पूर्वतयारमा समुदायको क्षमता अभिवृद्धि गर्दै प्राकृतिक संरक्षण मानव समृद्धि र नेपालको जैविक विविधता संरक्षणमा सहयोग पुर्याउने परियोजनाको प्राथमिकता रहेको परियोजनाका अधिकारीले बताएका छन् । पोखरा महानगरपालिकाका मेयर धनराज आचार्यले प्राकृतिक स्रोतको संरक्षण गर्दै उपयोग गर्ने विषयमा चुक्दा देशमै भएका प्राकृतिक स्रोतहरू पनि विदेशबाट आयात गर्ने अवस्था रहेको बताए ।
प्राकृतिक संरक्षणका क्षेत्रमा जनसहभागीताक नभई संरक्षणका क्षेत्रमा सफलता नमिल्ने बताउँदै मेयर आचार्यले वातावरण प्रदूषण नियन्त्रण, प्रकृति संरक्षण र सरसफाइमा नागरिकको पनि अनिवार्य सहभागिता हुनु पर्ने बताउँछन् । युएसएआइडी नेपालका प्रतिनिधि कस्मिरा काकातीले पारिस्थितिक प्रणालीको अवस्थामा सुधार, वातावरणीय अपराध नियन्त्रण तथा प्राकृतिक स्रोत सुरक्षा, जलवायु उत्थानशीलता अभिवृद्धिमा सहयोग, विगतका सफलतामा आधारित युएसएआइडी र नेपालको साझेदारीमा आधारित भएर परियोजना अघि बढेको बताइन् ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …