चितवन राष्ट्रिय निकुञ्जमा बाघ मृत फेला पर्‍यो

भरतपुर महानगरपालिका २७ मेघौलीस्थित राप्ती खोला किनारको हरियाली मध्यवर्ती सामुदायिक वनमा बाघ मृत फेला परेको छ । वनमा एउटा पोथी बाघ मृत फेला परेको हो ।
मृत बाघ अन्दाजी सात वर्षको रहेको चितवन राष्ट्रिय निकुञ्जका अधिकारीले बताएका छन् । मृत बाघको शरीरमा घाउहरु देखिएको छ । घाउको प्रकृति हेर्दा बाघ एकापसमा जुधेर मरेको हुन सक्ने अनुमान गरिएको छ । दुर्लभ बाघ देशभरमा ३ सय ५५ रहेका छन् । चितवन राष्ट्रिय निकुञ्ज र यस आसपासका वन क्षेत्रमा सबैभन्दा धेरै १२८ बाघ रहेका छन् ।