चुरे संरक्षण दिवसको अवसरमा चुरे उत्थानशील आयोजना र कमल सामुदायिक वनको अायोजनामा इलामको कमल सामुदायिक वनमा वृक्षारोपण गरिएको छ । चुलाचुली–१ स्थित कमल खोला किनारको बाँझो जमिनमा ९चुरे पहाडको फेदमा० बाँस, अम्बा, अमला, जामुन, लगायतका रैथाने प्रजातिका १००० बिरुवा रोपिएको बताइएको छ ।
सब डिभिजन वन कार्यालय चुलाचुली, सब डिभिजन वन कार्यालय बेलबारी, र डिभिजन वन कार्यालय त्रिवेणी, उदयपुरले सहयोगमा भएको वृक्षारोपण कार्यक्रममा चुरे उत्थानशील आयोजनाले बिरुवा उपलब्ध गराएको थियो । आधा जनसङ्ख्या बस्ने तराई क्षेत्र जोखिममा छ । चुरे दोहनका कारण जोखिममा रहेको हो । अन्नको भण्डार समेत भनिने तराई संरक्षणमा भने जसरी लाग्नु पर्ने हो तीन तहकै सरकार लागेको पाइँदैन । चुरे संरक्षणमा लाग्नु पर्ने भन्दै कार्यक्रमका प्रमुख अतिथि चुरे उत्थानशील आयोजनाका राष्ट्रिय निर्देशक नवराज पुडासैनीले बताए ।
पछिल्लो समयमा वन विनाश, नदीजन्य पदार्थको उत्खनन, लगायतका मानवीय गतिविधिका कारणले चुरेको क्षेत्रको वातावरण खस्किरहेको, र चुरे क्षेत्रमा बाढी, पहिरो आउने, पानीका मूल सुक्ने, नदी कटानले घर भत्काउने र खेतलाई बन्जर बनाउने लगायतका समस्या बढ्दै गइरहेको स्थानीयवासीको गुनासो छ। चुरेको दोहनका कारण पहिले सहज पानी पाइने क्षेत्रमा अहिले १०० फिट भन्दा गहिरो बोरिङ गर्दा पनि पानी नपाइने स्थानीयले बताएका छन् ।
दश वर्ष अगाडि असार २ गते चुरे दिवस घोषणा गरियो। त्यही घोषणाको दिन पारेर प्रत्येक वर्ष चुरे संरक्षण दिवस मनाइँदै आएको छ । तत्कालीन राष्ट्रपति राम वरण यादवले राष्ट्रपति चुरिया तराइ मधेस संरक्षण तथा विकास समिति अन्तर्गत संरक्षणका विभिन्न काम भइरहेका छन्। “चुरे क्षेत्रको माटो अत्यन्त कमलो छ । पानी नहुँदा ढुङ्गा जस्तो साह्रो हुन्छ, पानी परेपछि गल्छ, अनि बगेर गइहाल्छ। यो माटोको संरक्षण गर्न सकिएन भने हामीले उर्वर, मलिलो माटो बगेर जाने आयोजनाका कोसी प्रदेश संयोजक राज कुमार गुप्ताले बताए ।
चुरे उत्थानशील आयोजनाले चुरे क्षेत्रका २६ वटा नदी प्रणालीमा जलवायु उत्थानशीलको वृद्धि गर्ने उद्देश्यले विभिन्न कार्य गर्दै आएको छ । वातावरण संरक्षण तथा जलवायु उत्थानशीलतामा चुरे उत्थानशील आयोजनाको निरन्तर कार्य अन्तर्गत वृक्षारोपण गरिएको आयोजकले बताएका छन् । चुरे उत्थानशील आयोजनाले आफ्नो कार्यक्षेत्रमा नर्सरी स्थापना तथा वृक्षारोपण गर्दै आएको हो । वृक्षारोपण गरेर वनलाई फेरी हराभरा बनाउन धेरै भन्दा धेरै बिरुवा रोप्ने योजना रहेको कमल सामुदायिक वनकी अध्यक्ष सङ्गीता थलङले बताइन् ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…