अन्नपूर्ण संरक्षण क्षेत्र आयोजना (एक्याप) ले अनुमति नदिँदै संरक्षण क्षेत्रबाट निगालोकाे टुसा संकलन भएकाे भन्दै त्यसाे नगर्न सूचना जारी गरेकाे छ ।
संरक्षण क्षेत्रमा निगालोकाे टुसा र बाँसको तामा संकलन तथा ओसारपसार गर्ने अनुमति श्रावण ५ गते पछि मात्र हुने भएकोले टुसाको संकलन तथा ओसारपसार गरेको खण्डमा संकलनकर्ता तथा सवारीसाधनलाई नियन्त्रणमा लिई कारबाही हुने आयोजनाले जनाएको छ ।
संरक्षण क्षेत्रमा यसरी अनुमति बिना संकलन गर्दा कारबाही हुने कानुनी व्यवस्था भएकोले यस सम्बन्धी कार्य नगर्न नगराउन हुन सम्बन्धित सबैमा अनुरोध गरिएको आयोजनाले जनाएको छ ।
तोकिएको समयमा मात्र वातावरण मैत्री टुसा संकलन गरी निगालो बाँसको दिगो व्यवस्थापन तथा संरक्षण गर्न सहयोगी बनौं अन्नपूर्ण संरक्षण क्षेत्र आयोजनाले जारी गरेको सूचनामा भनिएको छ ।
संरक्षण क्षेत्रमा पाइने टुसा त्यस क्षेत्रका भालु, पान्डा लगायत वन्यजन्तुका आहारा हुन् । ठूलो संख्यामा टुसा संकलन हुँदा वन्यजन्तुको आहारा खोसिने भएकोले आयोजनाले निश्चित समयकालागि मात्र टुसा संकलनकालागि अनुमति दिने गर्दै आएको छ ।
अन्नपूर्ण हिमालको काखमा रहेको फेवातालको उत्पत्तिको इतिहास निकै रोचक छ। यसको वैज्ञानिक इतिहास खोज्न करिब १२ हजार वर्ष अघिसम्म… 
तराई क्षेत्रमा जलवायु अनुकूलित धान उत्पादन बढाउन दक्षिण कोरिया सरकारले करिब २ अर्ब रुपैयाँ बराबर अनुदान सहयोग गर्ने भएको… 
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
स्वर्गीय डा चन्द्र प्रसाद गुरुङको संरक्षण दृष्टिकोण र अन्नपूर्ण संरक्षण क्षेत्रसँग जोडिएको इतिहास समेटिएको पुस्तक ‘Caring for the Annapurna’…