पोखरा : भारतका विभिन्न सहरमा पर्यटन प्रवर्द्धन गर्न डुलुवा टोली बिहीबार पोखरा (कास्की) बाट कन्याकुमारी सम्मको यात्रामा निस्केका छन् । पोखराका पर्यटन व्यवसायीको टोली पोखरा, रक्सौल, पटना, कोलकाता, चेन्नेई, रामेश्वरम, कन्याकुमारी, गोवा, मुम्बई, अहमदाबाद, जयपुर दिल्ली लगायतका विभिन्न सहरमा पर्यटन प्रवर्द्धन गर्ने गरी यात्रामा हिडेको डुलुवा टोलीका टिम लिडर योगेश भट्टराईले बताए ।
१९ जना सहभागी टोलीले भारतको विभिन्न सहरमा पुगेर पोखरा र नेपालको पर्यटकीय क्षेत्रको बारेमा जानकारी दिँदै नेपाल भ्रमणकालागि आमन्त्रण गर्ने कार्यक्रम रहेको टोलीका संयोजक भट्टराईले बताए । पहिलो देश अनि विदेश भन्ने नाराका साथ नेपालका ७० जिल्लाको भ्रमण गरेर वृत्तचित्र समेत बनाएर पर्यटन प्रवर्द्धन गरेको डुलुवा टोली नेपालमा भारतीय पर्यटकको आकर्षण गर्ने गरी यात्रामा निस्केको हो ।
सन् २००८ मा प्याराग्लाइडिङ लगायत विभिन्न पर्यटन व्यवसायमा आबद्ध पोखराका युवाहरूले अनौपचारिक रुपमा नेपाल घुम्न थालेका थिए । १५ वर्षको नेपाल भ्रमण गरेको डुलुवा टोली नेपालको पर्यटन प्रवर्द्धन गर्दै भारतका विभिन्न सहरमा जान थालेको हो । डुलुवा टोलीको बिदाइ कार्यक्रममा बोल्दै पोखरा महानगरपालिकाका मेयर धनराज आचार्यले पर्यटकीय राजधानी पोखराको पर्यटन विकासकालागि यस्ता प्रवर्द्धनात्मक कार्यक्रम महत्त्वपूर्ण रहने बताए । नेपाल पर्यटन बोर्ड गण्डकीका प्रमुख नवीन पोखरेलले यस्ता प्रवर्द्धनात्मक कार्यक्रमले छिमेकी देश भारतबाट आउने पर्यटकका आगमन बढ्ने विश्वास गरे ।
पर्यटन प्रवर्द्धनकालागि युवा पर्यटन व्यवसायीको छिमेकी देश भारतका विभिन्न सहरमा पुगेर प्रवर्द्धनात्मक कार्यक्रम गर्नु पर्यटन विकासलागि महत्त्वपूर्ण रहने पोखरा पर्यटन परिषद्का अध्यक्ष पोमनारायण श्रेष्ठले बताए ।पोखराका अग्रज पर्यटन व्यवसायी तथा नेपाल पर्यटन बोर्डका पूर्व कार्यकारी सदस्य गणेश बहादुर भट्टराईले डुलुवा टोलीको पर्यटन प्रवर्द्धनकालागि सुरु गरेको देश पछिको विदेश यात्राले पर्यटन विकासमा सहयोगी रहने विश्वास गरे । नेपालको पर्यटन प्रवर्द्धनकालागि यस्ता कार्यक्रम महत्त्वपूर्ण रहने डुलुवा टोलीको पर्यटन प्रवर्द्धनात्मक कार्यक्रममा सहभागी हुन अमेरिका देखि आएका युवा व्यवसायी दीपक पहारीले बताए ।
डुलुवा टोली कास्की देखि कन्याकुमारी सम्मको यात्रा गरी करिब एक महिनामा नेपाल फर्कने कार्यक्रम संचालक ठाकुर प्रसाद बरालले बताए । टोलीलाई पोखरा महानगरपालिका प्रमुख धनराज आचार्य, भारतीय पेन्सन क्याम्प पोखराका प्रतिनिधि सुशान्तसिंह भदेल, नेपाल पर्यटन बोर्ड पोखरा कार्यालयका नि प्रमुख नवीन पोखरेल, पोखरा पर्यटन परिषद्का अध्यक्ष पोमनारायण श्रेष्ठ लगायतले विदाई गरेका थिए । कार्यक्रममा स्थानीय, पर्यटन प्रवर्द्धनकालागि भारत यात्रामा जाँदे गरेकाे डुलुवा टाेलीका आफन्त लगायतले पनि यात्रा सफलताकाे कामना गर्दै विदाई गरेका थिए ।
सोलुको हिमाली क्षेत्रमा दुइवटा हिमताल विस्फोटको कारण अत्यधिक तापक्रम वृद्धि भएको हिमताल विफोटपछि अवलोकनमा पुगेका राष्ट्रिय विपद न्यूनीकरण तथा… 
अचेल हामी मानिसहरू हरेक पल अलिअलि गर्दै पृथ्वीको जलवायु परिवर्तन गर्दैछौं। गर्मी याममा तापक्रम बढ्दै जानु, पहिलेभन्दा धेरै पानीमिश्रित आँधी… 
यस वर्ष विपदबाट छाेटाे समयमा ठूलाे धनजनको क्षति भएको छ । मनसुन भित्रिए यता बाढी, पहिरोलगायत विपदबाट एक सय… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
पंक्षी जन्तु जगतमा पर्ने, प्वाँख, चुच्चो र पखेटा भएका प्राणीको समुह हो । मानव जातिसँग निकटतम सम्बन्ध भएका यी… 
पोखरा : अन्नपूर्ण संरक्षण क्षेत्रबाट अवैधरुपमा निगालोका टुसा संकलन गरी चोरी निकासी गर्ने सवारी साधनलाई प्रहरीले नियन्त्रणमा लिएको छ… 
सहरीकरण संगै चराका प्राकृतिक बासस्थान र चरा मैत्री पुराना घरहरू हराउँदै गएपछि चराको बासस्थान पुन: स्थापना गर्न कास्की र… 
मकवानपुर गाउँपालिका ६ प्रतापपुरका किसान बलबहादुर राईको गोठमा बाँधेको भैँसीले बिहीबार बिहान बाघ मारेको घटनाको समाचार आएपछि बाँधेको भैसीले…