सोलुखुम्बुको खुम्बु पासाङल्हामु गाउँपालिका ५ थामेमा शुक्रबार दिउँसोको बाढी हिमताल फुटेर आएको पुष्टि भएको छ । थामे खोलामा बाढी आउँदा २० भन्दा बढी घरमा क्षति पुगेको छ । शनिबार राष्ट्रिय विपद जोखिम न्युनीकरण तथा व्यस्थापन प्राधिकरणका प्रमुख कार्यकारी अधिकृत अनिल पोखरेलसहितको टोलीले बाढी आएको क्षेत्रको हेलिकोप्टरबाट अवलोन गर्दा २ हिमताल फुटेर बाढी आएको पुष्टि भएको हो ।
अवलोकनको क्रममा दुईवटा थामे खोलाको मुहान क्षेत्रमा रहेका ५ वटा हिमतालमध्ये ३ वटा फुटेको पाइएको अवलोकनमा गएकाहरुलाई दधृत गर्दै सोलुखुम्बुकी प्रमुख जिल्ला अधिकारी देवी पाण्डेले जानकारी दिएकी छन् । ५ वटा मध्ये २ वटा फुटेको र २ वटा अझै जोखिममा रहेको अध्ययनका क्रममा पाइएको बताइएको छ ।
बाढीले खुम्बु पासाङल्हामु गाउँपालिका फाक्दिङदेखि नाम्चे जाने पर्यटकीय पदमार्ग पनि कटान भएको छ । कटानका कारण तल्लोक्षेत्रबाट सगरमाथा क्षेत्रको आवतजावत ठप्प भएको छ । बाढीपछिको अवस्थाका बारेमा थप जानकारी अध्ययन अवलोकनकालागि गएको राष्ट्रिय विपद जोखिम न्युनीकरण तथा व्यवस्थापन प्राधिकरणको टोली फर्केपछि विस्तृत जानकारी दिने बताएको छ ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…