रसुवामा भोटेकोशीको कहर : पूर्व सूचना पाउँदा पनि ठूलाे क्षति

रसुवाको नेपाल चीन नाका क्षेत्रमा मंगलबार बिहान आएको भोटेकाशीको बाढीले ठूलो धनजनको क्षति पु¥याएको छ । रातको समयमा आएको बाढीले अकल्पनीय क्षति पु¥याएको हो । हालसम्म ७ जनाको शव फेला परेको प्रहरीले जनाएको छ । २० जना अझै सम्पर्कविहीन रहेको पनि प्रहरीले जनाएको छ ।

हराइरहेका मध्ये ३ जना प्रहरी, ६ जना चिनियाँ नागरिक र ११ जना सर्वसाधारण रहेको जनाइएको छ । अहिले सम्म ५५ जनाका सकुशल उद्धार गरिएको पनि जनाइएको छ । मौसम पूर्वानुमान महाशाखाका अनुसार रसुवा क्षेत्रमा भारी वर्षा हुने मौसमी प्रणाली थिएन । वर्षा हुने मौसमी प्रणाली नभए पनि मंगलबार बिहान चीनको तिब्बत क्षेत्रबाट बग्ने भोटेकोशी नदीमा लेदोसहितको बाढी आएका थियो । लेदोले पुल, सडक, जलविद्युत आयोजना र सुख्खा बन्दरगाहमा क्षति पुगेको छ ।

लेदो बस्तीमा भने पसेको थिएन । बाढीले मिनेरी पुल बगाउँदा नेपाल र चीनको सडक सम्पर्कविच्छेद भएको जिल्ला प्रशासा कार्यलय रसुवाले जनाएको छ । बाढीले रसुवा भन्सार कार्यालयको सेडघरमा रहेका मालबाहक कन्टेनर र विद्युतीय गाडीहरु समेत बगाएको छ । बाढीको कारण स्याफ्रबेसी रसुवागढी सडकखण्डमा पनि क्षति पुगेर आवगमन अवरुद्ध भएको छ । नेपाली सेना, सशस्त्र प्रहरी र नेपाल प्रहरीका् टोली उद्धार तथा राहत वितरणमा सक्रिय रहेका छन् ।

चीनले दिएको थियो सूचना
जिल्ला प्रशासन कार्यालय रसुवाले असार १० मा सूचना जारी गर्दै बाढीको जोखिम भएको तटीय क्षेत्रमा पूर्वतयारी अपनाउन भनेको थियो । चीनले बाढीको जोखिम रहेको सूचना दिएपछि आवश्यक पूर्वचयारी र सावधानी अपनाउन भनिएको थियो ।

मनसुन सक्रिय भएको र चीनले समेत सावधानी अपनाउनु पूर्व सूचना दिएकोले भोटेकोशी नदी, त्रिशूली नदी, चिलिमे खोला लगायतका नदी र खोला आसपासका क्षेत्रमा बाढी पहिरो जन्य विपद्को जोखिम रहेकोले सतर्कता अपनाउन सहासयक प्रमुख जिल्ला अधिकारी द्रुवप्रसाद अधिकारीले सूचना जारी गरेका थिए । पूर्वसूचनाका बाबजुद तयारी नपुग्दा रसुवामा ठूलो क्षति पुगेको छ । यस वर्ष मनसुनमा धेरै पानी पर्छ भन्ेन जानकारी पहिले नै मौसम विज्ञान विभागले दिएको थियो । पूर्व सूचना हुँदा पनि हाइहलत भएर सम्भावित जोखिम क्षेत्रमा सुरक्षाका उपाय नअपनाउदा क्षति पुगेको हो ।

यस अघि असार पहिलो साता चीनले सिन्धुपाल्चोक प्रशासनलाई बाढीको जोखिमको सूचना दिएको थियो । यही सूचनाको आधारमा सिन्धुपाल्चोक र उसको छिमेकी काभ्रे जिल्ला प्रशासनले छुट्टाछुट्टै सूचना जारी गरी जिल्लावासीलाई र सुरक्षाकर्मीलाई अलर्ट राखेका थियो । काभ्रेस्थित रोशी खोलाको बाढीमा फसेका ५ जनालाई सशस्त्र प्रहरीले उद्धार गरेको थियो ।