पोखरा : कोरोना भाइरस सङ्क्रमण दर उच्च बन्दै गएपछि राजधानी लगायत विभिन्न सहरका अस्पतालमा उपचार गरिरहेका बिरामीकालागि अक्सिजन अभाव हुँदै गएको छ।
उपचारका क्रममा अक्सिजन चाहिने बिरामी अक्सिजनको अभावमा छटपटाउनु पर्ने र मृत्यु समेत हुने अवस्था आएपछि सरकारले उद्योग तथा विकास निर्माण कम्पनीहरूलाई अक्सिजन सिलिन्डरहरू सप्लार्यसलाई बुझाउन निर्देशन दिएको छ ।
यसै बिच जिल्ला प्रहरी कार्यालय कास्कीले पोखराका विभिन्न उद्योगबाट शुक्रवार र शनिवार सङ्कलन गरेका १ सय ८७ थान अक्सिजन ग्यासका सिलिन्डर पोखरा अक्सिजन प्रालि र कालिगण्डकी अक्सिजन प्रालिलाई हस्तान्तरण गरेको छ।
कोरोना सङ्क्रमण दर कम भएपछि अक्सिजन सिलिन्डर ग्यास सम्बन्धित उद्योगलाई नै हस्तान्तरण गर्ने गरी मेटल उद्योग, इन्जिनियरिङ, वर्कसप, मोटर ग्यारेज, ग्यास वेल्डिङ लगायत अक्सिजन सिलिन्डर उपयोग हुने उद्योगबाट सिलिन्डर सङ्कलन गरिएको हो । सिलिन्डर ग्यास कम्पनीले कोरोना भाइरस सङ्क्रमितको उपचार भइरहेका अस्पतालमा सिलिन्डर उपलब्ध गराउने छ।
अक्सिजनको अभावले कोरोना सङ्क्रमित बिरामीको अकालमै ज्यान जाने अवस्था नआओस् भन्ने उद्देश्यले बेलैमा सचेत भएर पूर्व तयारी अनुरूप अक्सिजन सिलिन्डर संकलन गरेर ग्यास कम्पनीहरूलाई हस्तान्तरण गरिएको जिल्ला प्रहरी कार्यालय कास्कीका प्रमुख जीवन कुमार श्रेष्ठले बताए।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…