फेवातालको बाँध २०३५ साल पछि पहिलो पटक मर्मत गरिदै
पोखराको फेवातालको बाँध २०३५ साल पछि पहिलो पटक मर्मतसम्भार गर्न बाँध खोलीएको छ । लामो समय सम्म बाँध मर्मत नहुँदा पानीको चुहावट भएको थियो भने बाँधको तल्लो तट कम्जोर बनेको छ । बाँध मर्मत गर्न शनिबार राति देखि बाँध खोल्दा तालको पानीको सतह एक मिटर घटेको छ ।
बाँध मर्मत गर्न तालको सतह २ मीटर सम्म घटाउनु पर्ने भएकोले शनिबार देखि बाँध खोलीएको जलश्रोत तथा सिंचाई विकास डिभिजन कार्यालय कास्कीका प्रमुख इन्जिनियर किरण आचार्यले जानकारी दिए । बाँधको गेटको रबरसिल्ड लामो समय सम्म नफेरिएकोले पानी धेरै चुहावट भएको उनले सुनाए । बाँधको डाउन स्टिमको प्रोटेक्सनको काम पनि संगसंगै गरिने जलश्रोत तथा सिंचाई विकास डिभिजन कार्यालय कास्कीका प्रमुख आचार्यले जानकारी दिए ।
१ करोड लागतमा ड्याम मर्मत गर्न लागिएको हो । संगसंगै १ करोड लागतमा फेवा सिचाई प्रणालीको काम पनि हुने आचार्यले बताए । फेवातालको पानीबाट ६ से हेक्टरमा सिचाई हुँदै आएको पनि उनले जानकारी दिए । फेवातालबाट बगेर गएको पानीले पाताले छाँगो बनेको छ । गुप्तेश्वर पनि तालको पानीले खोदलेर बनेको हो । तालको पानीबाट बिजुली पनि निकालीएको छ ।
बाँधको काम गर्न एक महिना लाग्ने र सोमबार देखि फेवाको पानी पूर्न रिर्चाज हुने पनि उनले बताए । फेवातालको बाँध खोलीदा पानीको सतह घटेर ताल अहिले साँगुरिएको छ । ताल अचानक घटेपछि पानी किन घट्या भनेर फेवातालको बाराहीघाट, क्याम्पीङचोक, ड्यामसाइड पुगेर पोखरेलीले तालको अवलोकन गर्नेको शनिबार भिड लागेको थियो ।
तालको पानी खोल्दा जलारी समुदायले केजमा पालेको माछालाई असर गरेको छ । तालको पानीको सतह घटेपछि ताल किनारमा रहेका केज तालको गहिराई तर्फ सार्दा १६ केजी बढी माछा मरेको स्थानीय इन्द्र जलारीले जानकारी दिए । मेरो मात्र ५ वटा केज सार्न प¥यो उनले भने । सबैको गरि १० वटा केज सार्नु परेको हर्पन फेवा मत्सय सहकारीका अध्यक्ष समेत रहेका इन्द्र जलारीले जानकारी दिए । तालको बाँध खोलीदै छ भन्ने बारेमा आफुहरु सूचना नै नपाएको पनि उनले बताए । फेवाताल किनारमा ९२ घर धुरी जलारी समुदाय रहेका छन् । उनिहरुले तालमा पछिल्लो समयमा ९० केजमा माछापालन गर्दै आएका छन् । ३ वर्ष अघि सम्म १८० केजमा माछा पाल्दै आएका जलारी समुदायले पछिल्लो समयमा वर्षा मौषममा तालको मुहान क्षेत्रबाट आउने पहिरोले केज नै पुरिन थालेपछि केजमा माछापाल्ने संख्या घटेको इन्द्रले सुनाए ।
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,… 
प्रकृति बलवान हुन्छ । मानवले जतिसुकै विकास गरे पनि प्रकृति आफ्नै गति र रफ्नारमा रहन्छ । बुधबार बिहान भोटेकोशी…