कोरोना संक्रमण नियन्त्रण गर्न लगाईएको लकडाउनको कारण हातमुख जोर्न समस्या झेल्दै आएका पोखराको फेवातालका डुंगा चालक मजदुरहरुलाई रेष्टुरेण्ट एण्ड वार एशोसियसन (रेवान) पोखरा र आर्ट अफ लिभिङले संयुक्त रुपमा राहत सामाग्री वितरण गरेका छन् ।
पोखराको बाराही घाट पुगेर रेवान पाेखरा र आर्ट अफ लिभिङले ८५ जना डुंगा चालकलाई प्रति व्यक्ति २५ किलो चामल, दाल, नुन, मसला लगायत खाद्य सामाग्री उपलब्ध गराएको रेवान पोखराका अध्यक्ष लक्ष्मण बरालले बताए । लकडाउनका कारण बेरोजगार बनेपछि देशका बिभिन्न जिल्लाबाट पोखरा आएर यहाँ डुंगा चलाउँदै आएका मजदुरलाई हातमुख जोर्न समस्या भएको जानकारीमा आएपछि रेवान र आर्ट अफ लिभिङको संयुक्त रुपमा राहत सामाग्री वितरण गरेको रेवानको अध्यक्ष बरालले जानकारी दिए ।
८५ जना मजदुरलाई शुक्रबार खाद्यन्न वितरण गरिएको हो । थप १५ जनालाई शनिबार वितरण गरिने रेवान पोखराका सचिव विकास भट्टराईले जानकारी दिए । पर्यटन विकासमा डुंगा चालकको महत्वपूर्ण योगदन रहेको छ । कोरोना महामारीमा दैनिक डुंगा चलाएर हातमुख जोर्ने मुजदुरलाई समस्या परेपछि सहयोग गरेको आर्ट अफ लिभिङ गण्डकी प्रदेशका प्रमुख नरेश भट्टराईले बताए । पाेखरा ६ का वडा अध्यक्ष जगत पहारी, वडा सदस्य हरिकृष्ण पहारी, पोखरा पर्यटन परिर्षदका अध्यक्ष गोपीबहादुर भट्टराईले, परिषदका पूर्व अध्यक्ष गणेश भट्टराईले लगायतको उपस्थितीमा राहत वितरण गरिएको हाे ।
लामो समय सम्म बेरोजगार बन्दा समस्या परेको बेलामा राहतमा खाद्यन्न पाउँदा खुशी लागेको डुंगा चालक लेखबहादुर माझीले बताए ।
फेवातालमा ८ डुंगा घाटमा ६६५ डुंगा रहेका फेवा डुंगा व्यवसायी समितिका उपाध्यक्ष मंगल नेपालीले बताए । डुंगा मालीक बाहेक १५० डुंगा चालक देशको बिभिन्न जिल्लाबाट आएर फेवातालमा काम गरिहेको पनि उनले सुनाए । पहिलो लकडाउनमा ६ महिना पछि मात्र फेवातालमा डुंगा संचालनमा आएका थियो । कोरोनाको दोस्रो लहरका कारण वैशाख १४ गते देखि यहाँका डुंगा बन्द रहेको उपाध्यक्ष नेपालीले बताए ।
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,… 
प्रकृति बलवान हुन्छ । मानवले जतिसुकै विकास गरे पनि प्रकृति आफ्नै गति र रफ्नारमा रहन्छ । बुधबार बिहान भोटेकोशी…