नेपालमा गरिएको फोटो गोष्ठीमा उत्कृष्ट भएका फोटोहरूको घोषणा भएको छ l उक्त गोष्ठीमा ऋषि बरालको घाइते राज गोमन प्रथम, टियचसी फोटोग्राफीको मलाहा हुचील दोस्रो र प्रमोद न्यौपानेको बाटोमा हिँड्दै गरेको कछुवा तेस्रो भएको थियो l उनीहरूले क्रमशः २०, १५ र १० हजार नगद र प्रमाणपत्र प्राप्त गर्नेछन् l
उक्त फोटोहरूको मूल्याङ्कन समूहमा सोभाना उपाध्याय, सागर गिरि, डा. तुलसी सुबेदी र डा. उत्तम बाबु श्रेष्ठ रहेका थिएl यो कार्यक्रमको आयोजना सोसाईटी फर कन्जरभेसन् बायोलोजी नेपाल शाखाले गरेको थियो l ११९ जना सहभागीहरूको २१५ वटा फोटोहरू प्रतिस्पर्धामा थिएl जैविक विविधतामा चुनौती, मानव, संरक्षण र सह-अस्तित्व र प्रजाति,पर्यावरण र वातावरणिय सेवाहरु गरी समग्र कार्यक्रम तीनवटा थिममा आधारित थियोl
पब्लिक भोट, फोटोको गुणस्तर र त्यसले प्रवाह गर्ने सन्देशलाई मुख्य रूपमा मूल्याङ्कनको आधार बनाइएको थियो l सो अवधिमा डिजिटल फोटो सम्मेलनमा फोटोग्राफरहरुले फोटोको बारेमा चर्चा समेत गरेका थिएl सम्मेलनमा अमेरिका स्थित स्मिथसोनियन कन्जरभेशन वायोलोजी ईन्टिच्युटमा कार्यरत बाघ संरक्षणमा ख्याति प्राप्त नेपाली वैज्ञानिक डा. महेन्द्र श्रेष्ठ र चितवन राष्ट्रिय निकुञ्जका पुर्व संरक्षण अधिकृत तथा घडियाल गोही विज्ञ बेद बहादुर खड्काले मुख्य वक्ताको रुपमा प्रस्तुतिकरण दिएका थिए।
उक्त आयोजक संस्थाका अध्यक्ष डा. प्रकाश कुमार पौडेलले यो कार्यक्रमले संरक्षणको सन्देश प्रवाह गर्न सफल भएको र यो कार्यक्रमलाई नियमित गरिने बताए l हेर्नुहोस उत्कृष्ट तीन फोटोहरु
प्रमोद न्यौपाने
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …