पोखरामा २७ गतेदेखि कोरोना खोप भेरोसेल लगाईदै ठाउकाे सूचीसहित

पाेखरा महानगरपालिकामा २७ गते चीनबाट आएकाे भेराेसेल खाेप लगाइने भएकाे छ । याे खाेप ६२ बर्ष पुरा भएका देखि ६५ वर्ष मुनिका नागरिकलाई मात्र लगाउने गरी पाेखरा महानगरपालिकाले साेमबार तालिका सार्बजनिक गरेकाे हाे । पाेखरामा हाललाई ६ हजार खाेप मात्र आएकाेले ६२ वर्ष भन्दा माथिका बृद्ध बृद्धालाई लगाउने याेजना महानगरपालिकाले बनाएकाे हाे । यसअघि ६५ वर्षमाथिका बृद्धबृद्धालाई खाेप दिइएकाे थियाे ।

सरकारले यही जेठ २५ गतेदेखि कोभिड–१९ विरुद्धको खोप अभियान सञ्चालन गर्ने निर्णय अनुसार पाेखरामा जेठ २७ गते दिइने भएकाे हाे । चीनबाट खोप प्राप्त भएको भेरोसेल खोप स्वास्थ्य तथा जनसङ्ख्या मन्त्रालयले ६० देखि ६४ वर्ष उमेर समूहका ज्येष्ठ नागरिकलाई खोप लगाउने तयारी गरेको स्वास्थ्य सेवा विभागका महानिर्देशक डा. दिपेन्द्र रमण सिंहले जानकारी दिएका छन् ।

सोमबार ७ वटै प्रदेश स्वास्थ्य निर्देशनालयलाई परिपत्र गर्दै विभागले खोपको उपलब्धता र जिल्लाको लक्षित संख्याको आधारमा तोकिएको उमेर समूहको माथिल्लो उमेरलाई प्राथमिकतामा राखि योजना बनाएर खोप दिन सकिने जनाएको छ। उनका अनुसार यहि अभियानमा यस अघि खोप लगाउन छुट स्वास्थ्यकर्मी, मेडिकल कलेजका विद्यार्थी, ईन्टर्न, ओ.जे.टी मा रहेका नर्सिङ्ग र पारामेडिक्सहरु (तर प्रत्यक्ष बिरामी जाँच, उपचार र हेरचाहमा संलग्नलाई मात्र) पहिलो मात्रा खोप दिन पाइने छ।

काेभिड १९ विरुद्धकाे खाेप अभिान पाेखरा महानगरले निम्न बमाेजिमकाे खाेप केन्द्रहरु सार्बजनिक गरेकाे छ । विभिन्न वडालाई लक्षित गरेर खाेप केन्द्र तय गरिएकाे हाे ।