लकडाउन खुकुलो संगै पोखरामा बालबालिका, युवाहरू शारीरिक व्यायाम गर्न खेल्नकालागि खुला चौर, पार्क र मैदानमा निस्कन थालेका छन् । कोरोना संक्रमणको तेस्रो लहरले बालबालिकालाई बढी असर गर्ने भन्दै विज्ञहरूले अस्पतालमा निश्चित बेड छुट्याएर आवश्यक तयारी गर्न सुझाव दिएका छन् ।
पोखराको मालेपाटन चौर, कोमागार्ने पार्क, वसुन्धरा पार्क लगायतका क्षेत्रमा बालबालिका, युवायुवतीहरू शारीरिक व्यायामकालागि निस्कन थालेका हुन् । युवाहरू फुटबल, भलिबल, टेबल टेनिस लगायतका खेल खेल्न व्यस्त हुन थालेका छन् । कोरोना सङ्क्रमण नियन्त्रण गर्न विद्यालयमा पनि अनलाइन कक्षा भइरहेको छ ।
अनलाइन कक्षा नभएको मौकापारी बिहान, बेलुका युवा विद्यार्थीहरू चौर, पार्कका विभिन्न खेल खेल्न व्यस्त हुन थालेका छन् । पोखरा रङ्गशालामा पनि जिल्ला प्रशासन सँग अनुमति लिएर खेलकुदका गतिविधि सुरु भएको जिल्ला खेलकुद विकास समिति कास्की अध्यक्ष कञ्चन थापाले जानकारी दिइन् ।
कोरोना सँग जुध्न पनि शारीरिक व्याम हुनु निकै आवश्यक रहेको डाक्टर थानेश्वर पहारी बताउँछन् । पछिल्लो समयमा कोरोना सङ्क्रमण फेरि बढेकोले कोरोना सङ्क्रमणबाट बच्न स्वास्थ्य सुरक्षामा भने ख्याल गर्नु पर्ने उनी सुझाउँछन् ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…