छिमेकी राष्ट्र विरुद्ध नाराबाजी गर्नेलाई कारवाही गरिने छ : गृह मन्त्रालय

मित्रराष्ट्रहरु विरुद्ध लक्षित हुने गतिविधिलाई नियन्त्रण गर्न र त्यस्ता गविविधिमा संलग्न भई कानून हातमा लिनेलाई गृह मन्त्रालयले कारवाही गर्ने भएको छ । छिमेकी राष्ट्रका प्रधानमन्त्रीको प्रतिष्ठामा आँच आउने गरी नाराबाजी नगर्न गृहमन्त्रालयले आइतबार विज्ञप्ति जारी गर्दै सेचत गराएको हो ।

मित्रराष्ट्रका प्रधानमन्त्रीको प्रतिष्ठामा आँच आउने गरी नाराबाजी गर्ने जुलुस प्रदर्शन गर्ने र पुत्ला दहन गर्ने गतिविधि प्रति गृह मन्त्रालयको गम्भीर ध्यानाकर्षण भएको जनाएको छ । विगत केही दिनयता छिमेकी मित्रराष्ट्रका प्रधानमन्त्रीको प्रतिष्ठामा आँच आउने गरी नाराबाजी गर्ने जुलुस प्रदर्शन गर्ने र पुत्ला दहन गर्ने गतिविधि प्रति गृह मन्त्रालयको गम्भीर ध्यानाकर्षण भएको विज्ञप्तिमा उल्लेख छ ।

गृह मन्त्रालयका प्रवक्ता फणिन्द्रमणि पोखरेलले जारी गरेको विज्ञप्तिमा यस्ता उच्छृङखल र निन्दनीय गविविधिप्रति मन्त्रालय गम्भीर आपत्ति प्रकट गर्दछ भनिएको छ । नेपाली भूमिमा कुनै पनि राष्ट्र विरुद्धका गतिविधि हुन नदिने विषयमा कटिवद्ध रहेको विज्ञप्तिमा उल्लेख छ ।

नाेट : तस्बिर अमेरिकी अनुदान मिलेनीअम च्यालेन्ज (एमसीसी) परियोजना राष्ट्रघात भएको भन्दै खारेजको माग राखेर पाेखराको चिप्लेढुंगामा शनिबार सचेत नेपाली पार्टीले आयोजनामा भएकाे कोण सभाकाे हाे । तस्बिर : इनेचर