गण्डकी प्रदेश साक्षर प्रदेश घोषण भएको छ । प्रधानमन्त्री शेरबहादुर देउवाले आइतबार एक कार्यक्रममा बिच गण्डकी प्रदेशलाई साक्षर प्रदेश घोषण गरेका हुन् । गण्डकी प्रदेशका ११ जिल्लामा नवलपुरर जिल्ला सबैभन्दा धेरै साक्षरता प्रतिशत ९८।०० प्रतिशत रहेको छ । नवलपुरमा २०७२ असार ३१ गते साक्षर जिल्ला घोषण गरिएको थियो ।
त्यसपछि गोर्खा जिल्ला ९७।२० साक्षरता प्रतिशत रहेको छ । यस जिल्लालाई २०७४ भदौं ९ गते साक्षर जिल्ला घोषण गरिएको थियो । यसै गरि मुस्ताङमा ९६।३५ प्रतिशत, स्याङ्जा ९६।१६ प्रतिशत, तनहुँ ९६।४० प्रतिशत, कास्की ९६।०० प्रतिशत, लम्जुङ ९५।५ प्रतिशत, बाग्लुङ ९६।५७ प्रतिशत, मनाङ जिल्ला ९६।९० प्रतिशत, म्याग्दी ९६।२७ प्रतिशत र पर्वत जिल्लामा साक्षरता प्रतिशत ९६।९३ रहेको घोषणा कार्यक्रममा बताइएको छ ।
शिक्षा मान्त्रालयले राष्ट्रिय साक्षरता अभियानका क्रममा राष्ट्र संघको विश्वव्यापी अभ्यासलाई समेत अनुशरण गर्दै १५ देखि ६० वर्ष उमेर समूहका ९५ प्रतिशतभन्दा बढी नागरिक साक्षर भएको सुनिश्चितता भएका सम्बन्धित क्षेत्र एवम् जिल्ला वा राष्ट्रलाई साक्षर घोषण गर्ने नीति पारित गरेको थियाे । गण्डकी प्रदेशमा औषत साक्षरता प्रतिशत ९६।५७ प्रतिशत रहेको छ । साक्षर गण्डकी प्रदेश घोषण कार्यक्रममा सातै प्रदेशको प्रतिनिधित्व गर्ने गरि सांस्कृतिक नृत्य प्रस्तुत गरिएको थियो ।
साक्षर प्रदेश घोषण कार्यक्रममा राष्ट्रिय सभाका अध्यक्ष गणेश प्रसाद तिमिल्सिना, गण्डकी प्रदेशका मुख्यमन्त्री कृष्णचन्द्र नेपाली पोखरेल, गण्डकी प्रदेशका सभामुख नेत्रप्रसाद अधिकारी लगायतले सम्बोधन गरेका थिए ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …