पेन्गुइन हिँड्याे ३ हजार किलोमिटर !

अन्टार्टिका महादेशमा एउटा पेन्गुइन ३ हजार किलोमिटर हिँडेको नयाँ रेकर्ड बनेको पाइएको छ । दुर्लभ पेन्गुइन यस अघि यति धेरै हिँडेको जानकारीमा थिएन । आप्नो बासस्थानबाट पेन्गुइन ३ हजार किलोमिटर हिँडेर न्युजिल्याण्डको कोस्टमा पुगेको पाइएको हो ।

सो पेन्गुइनले एक्लै १ हजार ८ सय ६४ माइलको लामो दूरीको यात्रा गरेको बीबीसीले स्थानीयको भनाई उदृत गर्दै समाचार लेखेकाे छ । पेन्गुइनले समुन्द्रको छेउछाउमा गुँड लगाउने गर्छ ।

एडेल्ली जातको पेन्गुइनको वासस्थान अन्टार्टिकाको प्रायद्धिप क्षेत्र रहेको बताइएको छ । यो जातको पेन्गुइन ११३ किलोमिटर हिँड्न सक्ने विज्ञले बताउँदै आएका थिए । जलवायु परिवर्तनका कारण यस जातको पेन्गुइनको संख्या घट्दाे क्रममा रहेको वैज्ञानिकले बताएका छन् ।