कोरोना सतर्कता : २५ भन्दा बढी भेला नहुन सरकारको निर्देशन

कोरोना संक्रमण हत्तै बढेपछि गृह मन्त्रालयले भिडभाड हुने कार्यक्रम मेला, महोत्सव नलगाउन निर्देशन गरेको छ । यसै गरी सार्वजनिक स्थानमा २५ जनाभन्दा बढी व्यक्ति भेला हुन नपाउने व्यवस्था कार्यान्वयनकालागि पनि गृह मन्त्रालयले सोमबार निर्देशन दिएको छ ।

गृह मन्त्रालयले प्रहरी प्रधान कार्यालय, सशस्त्र प्रहरी प्रधान कार्यालय, सबै जिल्ला प्रशासन कार्यालय र मातहतका विभाग तथा निकायहरुलाई पत्राचार गर्दै भोभिड १९ संकट व्यवस्थापन समन्र्यान्वय केन्द्र (सीसीएमसी) ले गरेको सिफारिसहरु कार्यान्वयन गर्न भनेको हो । सार्वजनिक स्थलमा सबै प्रकारका राजनीतिक तथा धेरै जना उपस्थित हुनेगरी कार्यक्रम नगर्न र अत्यावश्यक नियमित कार्यक्रमको हकमा स्थानीय प्रशासन संग अनुमति लिएर गर्ने व्यवस्था मिलाउने र अर्को सूचना नभएसम्म सार्वजनिक स्थलहरुमा २५ जनाभन्दा बढी भेला हुनेगरी कार्यक्रम नगर्न नगराउन आवश्यक व्यवस्था गर्ने गृह मन्त्रालयद्धारा जारी विज्ञप्तिमा भनिएको छ ।