अमेरिकाको मिनेसोटामा अन्तर्राष्ट्रिय लाटोकोसेरो महोत्सवको तयारी गरिएको छ । लाटोकोसेरो संरक्षणमा जनचेतना जगाउने उद्देश्यले महोत्सव हुँदै आएको आयोजकले बताएका छन् । मार्चको १ गते देखि ३ तारिख सम्म मिनेसोटाको हुस्टनमा महोत्सवको तयारी गरिएको हो ।
अमेरिकामा सन् २००६ बाट अन्तर्राष्ट्रिय लाटोकोसेरो महोत्सव हुँदै आएको छ । महोत्सवमा लाटोकोसेरोको आवाज निकाल्ने प्रतियोगिता, जिउँदा लाटोकोसेरोको प्रदर्शनी, विश्वभरिका लाटोकोसेरोको अध्ययन र संरक्षणमा लाग्नेलाई पुरस्कार समेतको व्यवस्था गरिएको छ । नेपालमा हुँदै आएको लाटोकोसेरो तथा हुचील उत्सव पनि यहाँ हुँदै आएको उत्सवको प्रेरणाको स्रोत रहेको नेपालका आयोजक संस्था प्रकृतिका साथीहरूका निर्देशक राजु आचार्यले बताए ।
लाटोकोसेरो संरक्षण महोत्सव इटाली र भारतमा पनि हुने गर्दछ । अमेरिका स्थित अन्तर्राष्ट्रिय लाटोकोसेरो परियोजना अन्तर्गत विश्वभरका वैज्ञानिकहरूको सञ्जाल स्थापना गरिएको छ । यस परियोजनामा स्वयंसेवक वैज्ञानिकहरूले अध्ययन अनुसन्धानकालागि विज्ञता प्रदान गर्दछन् । विश्वभर भएका अनुसन्धानहरुलाई पुस्तक तथा शोध ग्रन्थका रुपमा प्रकाशित गर्ने काम समेत गरिन्छ ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …