पोखरा महानगरपालिकाले २०८१÷०८२ को बजेटमा फेवाताल र सिमसार क्षेत्र संरक्षण गर्न बजेट छुट्ट्याएको छ । पाेखरा महानगरपालिकाकी उपमेयर मञ्जुदेवी गुरुङले साेमबार बजेट प्रस्तुत गर्दै फेवाताल र सिमसार क्षेत्र संरक्षण गर्न बजेट छुट्ट्याएको बताइन् ।
फेवातालको उत्तर पश्चिमी खण्डमा बायोइञ्जिनियरिङ अध्ययनको आधारमा माटोको ड्याम निर्माण गरी फेवाताल तथा सिमसार क्षेत्र संरक्षण र फेवा विच निर्माणको काम शुरु गर्न २ करोड छुट्ट्याइएको सभामा पोखरा महानगरका उपप्रमुख मञ्जुदेवी गुरुङले बताइन् । पोखरा महानगरपालिले आर्थिक २०८१÷८२ का लागि रु। ७ अर्ब ५१ करोड ३२ लाख ८३ हजार प्रस्ताव गरेको छ ।
पोखरा महानगरको १५ औँ नगर सभामा पोखरा महानगरका उपप्रमुख मञ्जुदेवी गुरुङले बजेट पेश गर्दै संघीय सरकार अनुदानबाट ४ अर्ब २० करोड २२ लाख १ हजार, प्रदेश सरकार अनुदानबाट ९ करोड ६३ लाख ८१ हजार, आन्तरिक आयबाट १ अर्ब ५५ करोड ५१ लाख ४० हजार व्यहोरिने बताएकी छन् । त्यसै गरी संघीय राजश्व बाँडफाँटबाट ३८ करोड ३३ लाख ७५ हजार व्यहोरिने छ भने प्रदेश राजश्व बाँडफाँट ९ करोड ७२ लाख २० हजार व्यहोरिने छ । स्थानीय राजस्व बाँडफाँटबाट रु १ अर्ब १२ करोड ८६ लाख ६१ हजार र रोयल्टी बाँडफाँटबाट ५४ लाख २४ हजार प्राप्त हुने अनुमान गरिएको छ ।
नगर विकास कोष ऋण ४ करोड ४८ लाख ८० हजार व्यहोरिने अनुमान छ। प्रस्तुत बजेट अन्तर्गत शिक्षा, खेलकुद तथा युवा र प्रज्ञा प्रतिष्ठान सम्बन्धी कार्यक्रम सञ्चालन गर्न रु। १ अर्ब ६५ करोड, स्वास्थ्यमा रु ३५ करोड, पर्यटन तथा सहरी विकासका कार्यक्रम सञ्चालनका लागि कुल ५६ करोड, सामाजिक विकास अन्तर्गत लक्षित वर्ग तर्फ कुल ६ करोड र संस्थागत विकास तर्फ २ करोड विनियोजन गरिएको उपप्रमुख गुरुङले बताएकी छन् ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …