पर्यटन क्षेत्रमा दक्ष जनशक्ति उत्पादन गर्ने उद्देश्यका साथ रेस्टुरेन्ट एन्ड बार एसोसिएसन (रेवान ) पोखराको आयोजनामा पोखरामा पाँच दिने एडभान्स बेकरी तालिम दिइएको छ । पोखराका विभिन्न होटल तथा रेस्टुराँमा कार्यरत रेस्टुरेन्टका कुकहरूलाई बेकरी तालिम प्रदान गरिएको हो ।
दक्ष जनशक्ति उत्पादनकालागि पम्प नेदरल्याण्ड र नेपाल टुरिजम एन्ड होटल म्यानेजमेन्ट कलेजको सहयोगमा भएको तालिममा विभिन्न रेस्टुरेन्टमा कार्यरत २० जनाको सहभागिता रहेको आयोजकले बताएका छन् । तालिमको समापन समारोहमा नेपाल टुरिजम एन्ड होटल म्यानेजमेन्ट कलेजका अध्यक्ष अशोक पालिखेले तालिम लिएका प्रशिक्षार्थीले स्वदेशमै बसेर राम्रो उत्पादन दिन सुझाए । पोखरा पर्यटकीय राजधानी घोषणा भइसकेको र त्यसलाई सार्थकता दिन खानाको गुणस्तरमा ध्यान दिन पनि उनले सुझाए । त्यसका लागि निरन्तर तालिम आवश्यक रहेको उनले बताए ।
कार्यक्रममा पम्प इन्टिरनेश्नलका प्रशिक्षक बुटले गुणस्तरीय उत्पादनको लागि तालिम सार्थक हुने विश्वास गरे । कार्यक्रममा प्रशिक्षार्थी ताराप्रसाद श्रेष्ठ र सृजना अधिकारीले पाएको तालिमबाट अझ उत्कृष्ट बेकरी उत्पादन गर्न सकिने बताए । तालिमबाट प्राप्त ज्ञान नेपाल घुम्न आउने विदेशी र स्वदेशी पर्यटकलाई गुणस्तरीय खाना पस्कन सक्ने वातावरण बनेको पनि उनीहरूले बताए ।
कार्यक्रममा रेवान पोखराका निर्वतमान अध्यक्ष लक्ष्मण बराल, तालिम संयोजक वसन्त गौतम लगायतले तालिमले उत्कृष्ट खान पस्कन सहयोगी हुने बताए । दक्ष जनशक्ति विदेश पलायन भइरहेको अवस्थामा यस्ता तालिमलाई निरन्तरता दिने आयोजक रेवानले बताएको छ ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण… 
नेपाल प्रहरी प्रधान कार्यालय केन्द्रीय अनुसन्धान ब्यूरो र डब्लु डब्लु एफ नेपाल बीच समझदारी पत्रमा हस्ताक्षर भएको छ ।… 
पोखरा : ‘सिक्लेसैको सेतो टापी अन्नपूर्ण हिमाल’, शिर्षकको संरक्षण म्युजिक भिडियो पोखरामा सार्वजनिक गरिएको छ । प्रकृति, जैविक विविधता,…