मुस्ताङको थासाङ गाउँपािलकामा हिमपहिरो, ९ घरपरिवारलाई सुरक्षित स्थानमा सारियो

मुस्ताङको थासाङ गाउँपालिकामा हिमपहिरो गएपछि ९ घर परिवारलाई सुरक्षित स्थानमा सारिएको छ । धौलागिरी हिमश्रृंखलाको मानापानी हिमालमा हिमपहिरो गएको हो । शुक्रबार दिउँसो गएको हिमपहिरोको कारण थासाङ गाउँपालिका २ का ९ घरपरिवारलाई सुरक्षित स्थानमा सारिएको जिल्ला प्रहरी कार्यालय मुस्ताङका डीएसपी भोजराज पाण्डेले बताए । स्थानीयलाई सुरक्षा सतकर्ता अपनाउन पनि भनिएको उनले बताए ।

हिमपहिरोले थुनिएको बोक्सीखोलामा अहिले पानी बग्न थालेको छ । यस अघि थुनिएको खोलामा पानी बग्न थालेकोले थुनिएर एक्कासी ठूलो बाढी आउने जोखिम नहुने विस्वास गरिएको छ । बोक्सीखोलाको पानी कालीगण्डकीमा पुगेर मिसिन्छ । २०७८ सालमा कात्तिक २८ गते पनि कोवाङ क्षेत्रमा हिमपहिरो गएको थियो ।
तस्बिर : सशस्त्र प्रहरी