सन् २०२५ लाई पोखरा भ्रमण वर्षको रुपमा मनाइने भएको छ । देशको पर्यटकीय राजधानी पोखरामा स्वदेशी तथा विदेशी पर्यटक आकर्षण गर्न पोखरा भ्रमण वर्ष २०२५ घोषण हुँदै छ ।
पोखरा महानगरपालिकाले २०२५ वर्षलाई पोखरा भ्रमण वर्ष घोषणा गर्न लागेको हो । फागुन ३ गते उपप्रधानमन्त्री तथा अर्थमन्त्री विष्णु पौडेलको प्रमुख आतिथ्यतामा पोखरा भ्रमण वर्ष २०२५ घोषणा गर्ने कार्यक्रम रहेको मेयर धनराज आचार्यले बताएका छन् ।
कार्यक्रममा पौडेलसहित संघीय पर्यटन मन्त्री बद्री पाण्डे, गण्डकी प्रदेशका मुख्यमन्त्री सुरेन्द्रराज पाण्डे र गण्डकीका पर्यटन मन्त्री मित्रलाल बस्याल उपस्थिति रहने पनि उनले बताए । भ्रमण वर्ष घोषणा गर्न पोखराका ३३ वटै वडा र पोखरा पर्यटन परिषद्को टोली ¥याली निकाल्दै प्रदर्शनी केन्द्रमा जम्मा हुने मेयर आचार्यले सुनाए । पोखरा भ्रमण वर्ष २०२५ मा स्वदेशी र विदेशी २० लाख पर्यटक भित्रने लक्ष्य राखिएको मेयर आचार्यले बताए । त्यसका लागि पोखरा भित्र्ने नाकामा पर्यटकको अभिलेख गरिने मेयर आचार्यले सुनाए ।
भ्रमण वर्ष सफल बनाउन जनप्रतिनिधि, कर्मचारी नागरिक समाज र पर्यटन व्यवसायीसहितको १,५५१ सदस्यीय मूल समारोह समिति गठन गरिएको छ । जसको संयोजक मेयर आचार्यले छन् । समितिले पोखरालाई पर्यटनको हबको रूपमा प्रवद्र्धन गर्दै आर्थिक, सामाजिक र सांस्कृतिक पक्षलाई मजबुत बनाउने रहेको पनि उनले बताए । मूल समारोह समितिले विभिन्न प्रचार र प्रचारात्मक अभियानहरू चलाउने, पोखराको ब्राण्डिङ गर्ने, विशेष घटनाहरूको आयोजना गर्ने उद्देश्य रहेको बताइएको छ ।
कार्यक्रमहरूमा स्वदेशी र विदेशी पर्यटकलाई आकर्षित गर्न विभिन्न अभियानहरूको सञ्चालन गर्दै विभिन्न देशबिच भगिनी सम्बन्ध स्थापना गर्ने योजना रहेको मेयर आचार्यले सुनाए । यो समितिले भ्रमण वर्ष सफल बनाउन गैर आवसीय नेपाल तथा स्वेदशी पाहुनालाई सपरिवार तथा इष्टमित्रलाई पोखरा भ्रमण गर्न आह्वान गर्ने जनाइएको छ ।
पोखराको पर्यटन क्षेत्रमा सुधारका लागि विभिन्न पूर्वाधार निर्माण गर्ने प्रक्रिया पनिअघि बढाइएको आचार्यले सुनाए । भ्रमण वर्ष घोषणा भएकै दिन विभिन्न प्याकेज पनि सार्वजनिक हुने मेयर आचार्यको बताए । ‘पोखरा हाम्रा लागि मात्र होइन, नेपालको प्रमुख पर्यटन गन्तव्य हो । यस भ्रमण वर्षको माध्यमबाट हामी पोखरालाई अन्तर्राष्ट्रिय स्तरमा चिनाउन र यहाँका सामाजिक, आर्थिक र सांस्कृतिक पक्षलाई सशक्त बनाउन तपाईं सबैको सहयोग चाहिन्छ,’ मेयर आचार्यले भने ।
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,… 
प्रकृति बलवान हुन्छ । मानवले जतिसुकै विकास गरे पनि प्रकृति आफ्नै गति र रफ्नारमा रहन्छ । बुधबार बिहान भोटेकोशी…