संसदमा बजेट प्रस्तुत गर्दै अर्थमन्त्री विष्णु पौडेलले २०८२ मंसिर देखि ४० माइक्रोन भन्दा कमका प्लास्टिक उत्पादनमा रोकलगाइने बताएका छन् ।
सरकारले यस अघि नै ४० माईक्रोन भन्दा कम गुणस्तरका प्लास्टिकजन्य सामग्रीको प्रयोगमा प्रतिबन्ध लगाए पनि कार्यान्वयन हुन सकेको छैन । सङ्घीय मामिला तथा सामान्य प्रशासन मन्त्रालयले २०८० असारमा विज्ञप्ति जारी गर्दै ४० माइक्रोनभन्दा कम गुणस्तरका प्लास्टिकजन्य सामग्री प्रतिबन्ध लगाएको जनाएको थियो । पुन अर्थमन्त्रीले बजेट भाषणमा समेटे पनि यसको कार्यान्वयन हुने नहुने यकिन हुन सक्ने अवस्था रहेको छ ।
प्लास्टिक प्रदूषण विश्वकै टाउको दुखाई बनेको छ । संसारमा प्लास्टिक सन् १८६९ देखि उत्पादन हुन थालेको थियो । सन् १९५० को दशकमा आएर मात्र यसको उत्पादनमा तीव्रता आएको हो । १९५० मा धेरै सानो परिमाण अथवा ३३५ मिलियन मेट्रिक टन उत्पादन भएको थियो भने २०१६ मा ३३५ मिलियन मेट्रिक टन उत्पादन भएको तथ्याङ्क छ ।
२०२२ मा ४०० मिलियन टन उत्पादन भएको थियो । यत्रो परिमाणमा उत्पादन भएको प्लास्टिक प्रयोग भइसकेपछि कहाँ जान्छ रु यो प्रकृति र वातावरणलाई दूषित पार्ने फोहोर मैलाका रूपमा जम्मा हुने गरेको छ । प्लास्टिक प्रदूषर्णको असरले नेपालमा मुख्य सहरका खोला, नदी, ताल, खेती योग्य भूमि प्रदूषर्णको चपेटामा परेका छन् ।
अर्थमन्त्री पौडेलले जलवायु परिवर्तनको मुद्दा अन्तर्राष्ट्रिय करण गरिने पनि बताएका छन् । वन्यजन्तु, जैविक विविधता संरक्षणमा जोड दिएका छन् । यसै गरी पदयात्रा पर्यटनको विकास, पर्यापर्यटन प्रवर्द्धनमा पनि जोड दिएका छन् । वन डढेलो लगाउनेका बारेमा सूचना दिनेलाई पुरस्कृत गरिने पनि बताएका छन् । हिउँदमा वन डढेलोले देशभर ठूलो क्षति पु¥याउँदै आएको छ । डढेलोले जैविक विविधता, वन्यजन्तुको वासस्थान र चराको गुँड पनि नोक्सान पु¥याउँदै आएको छ ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…