तीन दर्शक देखि वन्यजन्तु संरक्षण र अनुसन्धानमा क्रियाशील संरक्षणकर्मी राजु आचार्य एसियाका सय उत्कृष्ट साइंटिष्टमा परेका छन् । ‘एसियन साइंटिष्ट’ नामक पत्रिकाले प्रकाशित गरेको एसियाका उत्कृष्ट सय वैज्ञानिक सूचीमा आचार्य पनि छानिएका हुन् ।
सन् २०१६ देखि हरेक वर्ष, एसियाली वैज्ञानिक पत्रिकाले एसियाका उत्कृष्ट अनुसन्धानकर्ताहरूको सूची सङ्कलन गर्दछ । आठौँ संस्करणमा पोखरामा रहेर वन्यजन्तु संरक्षण र अनुसन्धानमा महत्त्वपूर्ण योगदान दिँदै आएका आचार्य पनि उत्कृष्ट सयमा परेका हुन् । यस सूचीमा पर्न सम्मानित वैज्ञानिकहरूले अघिल्लो वर्ष आफ्नो अनुसन्धानको लागि राष्ट्रिय वा अन्तर्राष्ट्रिय पुरस्कार प्राप्त गरेको हुनु पर्छ । वैकल्पिक रुपमा उसले महत्त्वपूर्ण वैज्ञानिक खोज गरेको हुनुपर्ने प्रावधान रहेको छ ।
एसियन उत्कृष्ट सय वैज्ञानिकमा छानिएपछि संरक्षणकर्मी आचार्यले यो सूचीले एसियाभरका प्रभावकारी विज्ञान र नेतृत्वलाई सम्मान गर्ने बताए । यो यात्रामा साथ दिनु हुने सबैलाई धन्यवाद आचार्यले सामाजिक सञ्जालमा खुसी साटेका छन् । सन् २०२४ मा गण्डकी प्रदेशमा लाटोकोसेरो संरक्षण परियोजनाकालागि आचार्यले प्रसिद्ध ह्ट्ली अवार्ड अवार्ड प्राप्त गरेका थिए । संरक्षण क्षेत्रमा पु¥याएको योगदानको आधारमा बेलायतमा रहेका संस्था ह्ट्ली अवार्ड फन्ड फर नेचरले आचार्यलाई अवार्डबाट पुरस्कृत गरेको थियो ।
बेलायतको लन्डनमा आयोजित कार्यक्रममा बेलायती राजकुमारीले उक्त अवार्ड आचार्यलाई प्रदान गरेकी थिइन् । ह्ट्ली अवार्ड वार्डबाट प्राप्त ५० हजार पाउन्ड लाटोकोसेरो संरक्षण कार्यक्रममा खर्च गरिएको छ । प्रकृतिका साथीहरू संस्थाका कार्यकारी निर्देशक आचार्यले विगत ३५ वर्ष देखि वन्यजन्तुको अध्ययन र संरक्षणमा विशेष योगदान दिँदै आएका छन् । आचार्य विगत १७ वर्ष देखि अन्य वन्यजन्तुको साथै विशेष गरी लाटोकोसेरो संरक्षणमा बढी सक्रिय छन् । उनले लाटोकोसेरो संरक्षण सम्बन्धी ५ पुस्तक प्रकाशित गरेका छन् । लाटोकोसेरो सम्बन्धी डिजिटल पत्रिकाका सम्पादक समेत हुन ।
आचार्यले लाटोकोसेरो बाहेक ब्वाँसो, जङ्गली चौँरी, हिउँ चितुवा, ध्वाँसे चितुवा, वन कुकुर, सानो मांसाहारी लगायत संरक्षणमा पनि काम गरेका छन् । सरकारले लागू गरेको दश वर्षे लाटोकोसेरो कार्ययोजना निर्माण र कार्यान्वयनमा प्रभावकारी काम उनले गरेका छन् । ह्ट्लिी अवार्डबाट प्राप्त पुरस्कारबाट गाउँ गाउँमा लाटोकोसेरो संरक्षणमा जनजागरण बढेको छ । लाटोकोसेरोकालागि कृत्रिम गुँड निर्माण, विद्यालय, समुदाय, सामुदायिक वन, उपभोक्ता समिति, सुरक्षाकर्मी लगायतलाई संरक्षण अभियानमा जोड्न विभिन्न कार्यक्रम पनि सम्पन्न भएको छ । आचार्य सहित नेपालका रिञ्जिन फुन्जो लामा, फ्रिनसन प्रधान, शैलेन्द्र गिरी र टिस्टा प्रसाईँ जोशी पनि उत्कृष्ट सय साइंटिष्टमा सूचीमा परेका छन् ।
हिन्दूकुह हिमालय संसदीय बैठक सोमबार देखि काठमाडौंमा सुरु भएको छ । ‘हिन्दूकुश हिमालय क्षेत्र’मा पर्ने मुलुकका संसद्बीच साझा धारणा,… 
पोखरा : पर्यटकीय राजधानी पोखरामा शुक्रबार देखि रिसाइक्लिङ र अपसाइक्लिङ मार्फत हरित रोजगारी सिर्जना गर्ने उद्देश्यले आरयु फेष्ट सुरु… 
पोखरा २८ काफलघारीका किसान मकै खेती गर्दा बाँदरको आतंकले निकै हैरान भएका थिए। मकै बचाउन हेरालो राख्नुपर्थ्यो, तर बाँदरले… 
कृषि प्रधान देश नेपालले २०५० सालसम्म धान तथा चामल निर्यात गर्ने गथ्यो । नेपालमा समय अनुसार वैज्ञानिक खेती प्रणाली… 
पोखरा : छालबाटो पुस्तक यात्रावृतान्तमा सीमित नभई नदी प्रणालीको समाजशास्त्रीय, प्राकृतिक र विज्ञानको लिखत बनेको बताइएको छ । पत्रकार… 
वन्यजन्तु चोरी सिकार, अवैध व्यापार नियन्त्रणकालागि सुराकी एप्लिकेसन सुरु हुने भएको छ । आविष्कार केन्द्रको प्राविधिक सहयोगमा प्रकृतिका साथीहरू…