तोरीपानी म्याग्दी : बेनी नगरपालिका ९ तोरीपानीमा घरबास (होमस्टे) सञ्चालनको आएको छ । स्वदेशी तथा विदेशी पर्यटकलाई लक्षित गरी सयपत्री होमस्टे सञ्चालनमा आएको हो ।
इको हिमाल नामक संस्थाको आर्थिक तथा प्राविधिक सहयोगमा पहिलो चरणमा पाँचवटा घरमा २१ ज्ना बस्न र खान सकिने गरी घरबास सञ्चालनमा आएको हो । पर्यटकको चापसँगै गाउँमा थप विस्तार हुने सयपत्री सामुदायिक घरबास समूहकी अध्यक्ष सीता खत्रीले बताइन् । घरबासमा आउने पाहुनालाई स्वागत तथा मौलिक कला र संस्कृतिको प्रदर्शनका साथै स्थानीय उत्पादन उपहार तथा बिक्री समेत गरिने अध्यक्ष खत्रीले बताइन् ।
घरबास सञ्चालन अघि गाउँका स्थानीयलाई इको हिमालय काठमाडौले उत्कृष्ट घरबास कार्यक्रम भएका स्थानहरुको भ्रमण गराई पाहुनाकालागि खानाको परिकार बनाउने तालिम दिइएको थियो । घरबास समूहलाई दुई लाख र पाँच घरलाई ७० हजारका दरले आर्थिक सहयोग उपलब्ध गरिएको थियो । घरबास कार्यक्रमको मापदण्ड अनुसारको संरचना तयार गरिएको इको हिमालयका निर्देशक नारायण ढकालले बताए ।
बेनी नगरपालिका भित्रका पर्यटकीय स्थलमा सेवा सुविधा पुग्ने गरी घरबास सञ्चालनमा आउदा पर्यटन विकासमा सहयोगी हुने बेनी नगरपालिकाका मेयर सुरत केसीले बताए । पर्यटकीय स्थलमा पर्यटकलाई आकर्षण गर्न सबैभन्दा पहिले उनिहरुको बस्ने र खाने पूर्वाधार तयार हुनु पर्ने उनले बताए । होमस्टे सञ्चालनले तारीपानी गाउँको पर्यटन विकासमा योगदान पुग्ने उनले विश्वास गरे । घरबास संञ्चालनकालागि नगरपालिकाले आवश्यक सहयोग गर्ने पनि उनले बताए । नेपालको दिगो विकासकालागि पर्यटन विकास महत्वपूर्ण रहने इको हिमाल अष्ट्रियाका अध्यक्ष प्रोफेसर डा कुर्ट लुगरले बताए । कृषि उत्पादन नेपालको विकासकालागि मुख्य पेशा रहेको र पर्यटन दोस्रो महत्वपूर्ण व्यवसाय रहेकोले प्रकृति संरक्षण संगै पर्यटन विकास हुनुपर्ने उनले बताए ।
कार्यक्रममा टान गण्डकीका अध्यक्ष कृष्णप्रसाल आचार्यले ग्रामिण पर्यटन विकासकालागि घरबास कार्यक्रम प्रभावकारी हुने बताए । प्राकृतिक सुन्दरता, सांस्कृतिक विविधताको साथै स्थानीय उत्पादन पाहुनालाई पस्कन सक्नु दिगो पर्यटन विकासकालागि महत्वपूर्ण रहने आचार्यले बताए । होमस्टेमा पर्यटन प्रवद्धनकालागि टान गण्डकीले सहयो गर्ने पनि प्रतिवद्धता व्यक्त गरे ।
कार्यक्रममा म्याग्दीका प्रमुख जिल्ला अधिकारी बद्रीप्रसाद तिवारी, वडा अध्यक्ष चक्र केसी लगायतले ग्रामिण पर्यटन विकासकालागि होमस्टे सञ्चालन महत्वपूर्ण रहने बताएका थिए । बेनी बजार देखि ९ किलोमिटर उत्तर तर्फ रहेको तोरीपानी गाउँ सवारीसाधनमा ३० मिनेटमा पुगन सकिन्छ । समुन्द्री सतह देखि १ हजार ७ सय ५० मिटर उचाईमा रहेको तोरीपानी गाउँबाट अन्नपूर्ण, माछापुच्छे«, धौलागिरी लगायतका हिमालको सुन्दरताको अवलोकन गर्न सकिन्छ ।
यहाँका सांस्कृतिक विविधता, तोरीपानी गाउँको शिरानमा बाइसे चौबीसे कालिन राज्यको संरचना पर्यटकको आकर्षण हुन् । तत्कालीन एतिहासिक पर्वत राव्यको राजधानी ढोल्ठानले इतिहस बुझन सकिन्छ । विश्वकै सातौ अग्लो धौलागिरी हिमालको आधारशिविर, धौलागिरी सेञ्चुरी पदमार्ग पर्यटककालागि आकर्षणका पदयात्रा मार्ग हुन् ।
होमस्टेको कोशेली कृषि उत्पादन
गाउँमा पर्यटक बनेर आउने स्वदेशी तथा विदेशी पर्यटकलाई स्थानीय अर्गानिक उत्पादन पस्कन तरकारी खेती, कुखुरापालन, बाख्रापालन, गाई, भैसी पालन भइरहेको छ ।
तोरीपानी गाउँ टिम्बुर उत्पादनकालागि प्रख्यात गाउँ हो । यहाँ वर्षेनी लाखौ रुपैयाँका टिम्बु बिक्री गरिन्छ । पहिले ३ सय रुपैयाँ किलोमा बिक्री हुँदै आएको टिम्बुर अहिले ३ हजारमा बिक्री हुदै आएको छ । यसबाट स्थानीयले राम्रो आम्दानी लिइरहेका छन् । स्वदेशी पर्यटक होमस्टेमा बसेर फर्कदा कोशेलीको रुपमा टिम्बुरको साथै भागो, भटमास, घिउ, तरकारी लिएर आउन सक्ने गरी गाउँमा उत्पादन भइरहेको स्थानीय होमस्टे सञ्चालक रश्मि चोखालले बताइन् । बेनी नगरपालिका ९ तोरीपानी गाउँ टिम्बुर उत्पादनकालागि प्रख्यात छ ।
अर्गानिक तरकारी, मासु, अन्न उत्पादन हुँदै आएकोले पर्यटक आउँदा तरकारी, मासु, अण्डा लगायतका उत्पादन किन्न बजार धाउनु पर्ने अवस्था नरहेको स्थानीयले बताएका छन् । यस गाउँको तरकारी, टिम्बुर, लगायतको उत्पादन बेनी बजार पुग्ने गर्दछ ।
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण… 
सन् २००० अघि सम्म हिउँको थुप्रो मात्र रहेको कास्कीको मादी गाउँपालिका सिक्लेस स्थित हुँगु क्षेत्रको हिउँको थुप्रो त्यसपछिका वर्षमा… 
भारतीय लाटोकोसेरो संरक्षण उत्सवमा नेपालका संरक्षणकर्मी राजु आचार्य पुरस्कृत र सम्मानित भएका छन् । पिङ्गोरी, पूनेमा आयोजना भएको उत्सवमा… 
नेपाल प्रहरी प्रधान कार्यालय केन्द्रीय अनुसन्धान ब्यूरो र डब्लु डब्लु एफ नेपाल बीच समझदारी पत्रमा हस्ताक्षर भएको छ ।… 
एशियाको जलभण्डार — हिन्दुकुश हिमालय — जोगाउने र जगाउने उपायबारे पोखरामा शुक्रबार देखि ४ दिन मन्थन हुँदै छ ।…