हिमालपारिका जिल्ला मनाङ र मुस्ताङ रेन स्याडो जोन अर्थात् न्यूनवर्षा हुने जिल्लामा पर्छन् । यसैले यहाँका घरहरूका छत माटोले ढलान गरिएका हुन्छन् । हिमाली मरुभूमिका रूपमा समेत चिनिने यी जिल्लाहरूको भौगोलिक बनावट नै ठूलो वर्षा थेग्न नसक्ने खालका छन् ।
निकै कम पानी पर्ने जिल्ला मनाङ र मुस्ताङमा ठूलो वर्षा हुन थालेपछि बाढी पहिरो जाने र जनजीवन नै अस्तव्यस्त बन्ने क्रम बढेको छ । दुई वर्ष अघि मुस्ताङको कागबेनी बजारका केही घर नै बगाउने गरी मुक्तिनाथ तर्फबाट र काली गण्डकी नदीमा ठूलो बाढी आयो । यस वर्ष मनाङको चामे र ताल गाउँमा तीन दिनमै करिब ३०० मिलिमिटर वर्षा रेकर्ड भएको छ । यो वर्षा त्यहाँको भूगोल अनुसार भीषण र विनाशकारी रहेका मौसमविद्ले बताएका छन् ।
वर्षा संगै आएको बाढीले मनाङको सदरमुकाम चामे बजारका केही घर नै बगायो भने केही घरमा क्षति पुयाएको छ । चामे बजारमा रहेको पुल पनि बाढीले बगाएर ल्याएको ढुङ्गा माटोले पुरेको थियो । सदरमुकामका स्थानीय बाढी आउनु अघि नौ सचेत भएर घर छाडेर सुरक्षित स्थानमा गएकोले ज्यान जोगिएको थियो । मनाङमा पछिल्लो वर्षहरूमा ठूलो पानी पर्न थालेपछि मस्याङदी नदी र सहायक नदीमा बाढी आउँदा सदरमुकामलाई नै जोखिममा पारेको छ । पदयात्रा पर्यटनकालागि प्रख्यात अन्नपूर्ण संरक्षण क्षेत्र भित्र पर्ने मनाङमा पछिल्लो विश्व तापक्रम वृद्धिको प्रभाव परिरहेको छ । यसै कारण वर्षा धेरै हुने पहिले उत्पादन नहुने अन्न, सागपात पनि उत्पादन हुने क्रम बढेको छ ।
बंगालको खाडीमा विकसित न्यून चापीय प्रलीको प्रभावले हिमाली जिल्लाहरुमा ठूलो वर्षा भएको जल तथा मौसम विज्ञान कार्यालयले जनाएको छ ।
तस्बिरहरु : विकास कार्की
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,…